Ўйин ҳақида

— Биринчи навбатда, йигитларга раҳмат айтмоқчиман. Иккинчи таймда 10 киши бўлиб қолганимизга қарамасдан, охиригача курашишди. Пенальтидан гол уролмадик, лекин бу — футбол, шунақаси ҳам бўлиб туради.

"Насаф" – тезкор ва яхши таркибга эга жамоа. Стандартларда эътиборни йўқотганимиз учун гол ўтказиб юбордик. Жамоамиз футболчиларига иккинчи бўлимдаги ҳаракатлари учун ташаккур.

— Дарвозабон яхши ҳаракат қилди...

— Дарвозабоннинг вазифаси ўзи шу, у қутқариши керак. Иккита қийин вазиятда зўр ўйнади ва жамоамиз жонига ора кирди.

— "Металлург" ўтган йилга қараганда ёмонроқ ўйнамоқда. Бу нима билан боғлиқ?

— Буни ҳозир тушунтириб беролмайман, бу узоқ вақтни талаб қилади. Ўйлайманки, ўтган йилги етакчиларнинг жамоани тарк этгани таъсир қилди.

— Жасур Абдураимов истеъфоси бўйича изоҳ бероласизми?

— Бош мураббийимиз Жасур Абдураимов бетоб. Ўзингиз кўрдингиз, захира ўриндиғида испаниялик жаноб Луис Мануэль Эрнандес ўтирди. У киши бизга ёрдам бермоқда.

Артём Петросян: "Стандартларда эътиборни йўқотганимиз учун гол ўтказиб юбордик"