"Атлетико" мухлислари учун илиқ роджество ролигини совға қилди.

Ва у шунчаки ажойиб.

Сюжет бўйича қари инсон кўчада йўқолиб қолади, ўша томондан ўтиб кетаётган киракаш уни топади ва уйига олиб бориб қўйишга қарор қилади.

Ҳайдовчи гап футбол ҳақида кетишидан олдин у билан об-ҳаво бўйича ҳам, байрамлар бўйича ҳам суҳбатни бошлашнинг уддасидан чиқолмайди.

Отахон эса Мадриднинг "Реал" клуби ва айниқса Альфредо Ди Стефанонинг мухлиси бўлиб чиқади. У "якшанбадаги ўйинни кўрдингизми?" деган оддий саволга жавоб беради ва буюк аргентин-испан футболчиси қандай яхши ўйнаганини берилиб гапира бошлайди.

Ди Стефано – "Мадрид"нинг мутлақ афсонаси. Альфредо 1953 йилда клубга можаро билан келади ("Мадрид" ва "Барса" ўртасида, ФИФА ҳам жалб қилинган), дастлабки етти ойда ўйнамайди, аммо масала ҳал бўлганидан сўнг супер тўпурарга айланади: 396та ўйинда 308та гол, Европа чемпионлари кубогидаги кетма-кет бешта ғалаба.

Аргентин-испанни ўғирлаб ҳам кетишади, аммо у клубни бутун вужуди билан қаттиқ севарди. Ди Стефано кейинчалик мураббий бўлиб ҳам ишлайди (дастлаб 1982 йилдан 1984 йилгача, кейин 1990 йилда) ва машғулотларда 20 мингдан мухлис йиғади. У ўйнаши ҳам шарт эмасди.

Киракаш отахонни уйига қадар елтиб қўяди. У ерда уни ҳавотирланиб ўтирган қизи қарши олади.

Кейинчалик ҳайдовчи "Атлетико" мухлиси эканлиги маълум бўлади. Отахон Ди Стефано ҳақида гапира бошлаганда клуб рамзини яшириб қўйган бўлади, аммо кейинчалик дарҳол ўзининг олдига осиб қўяди.

Албатта, "Атлетико" мухлислари Ди Стефанони унча ҳам ҳушлашмайди, аммо афсонага ҳурмат билан муносабатда бўлишади. Альфредо ҳатто клубда бир марта ўйнаган ҳам: у 1956 йилда Уч қирол байрамига бағишланган кўргазмали ўйинда бир тайм ҳаракат қилади (6 январь куни, янги йил кунларида), уни бунга "Атлетико"нинг буюк форварди Адриан Эскудеро кўндирган.

Ролик шундай жумлалар билан якунланади: "Атлетико"дан юқори нарса фақатгина унинг қадриятларидир".

Рақиблар мухлислари ўртасидаги ҳурмат ҳақида ажойиб воқеа. Ва жуда муҳим йўлланма.

Алишер Остонов таржимаси

"Атлетико"нинг янги ролики сизни таъсирлантиради. Ваъда берамиз!