"Аяччо" - "Марсель"
Учрашувлар тарихи: +4 =2 -6.

Бош ҳакам: Лионель Жаффредо (Ванн).
Стадион: "Франсуа Коти".
22 ноябрь, 00:30.

2014 йилги мундиалнинг барча иштирокчилари номи маълум бўлди, энди эса бемалол миллий чемпионатларга эътибор қаратиш мумкин. Францияда ҳамон "ПСЖ" якка ҳокимлик қилмоқда, қолган жамоалар эса унга рақобат қилишга уринишмоқда холос. Чемпионлик пойгасида иштирок этиши кутилаётган клублардан бири "Марсель" клубидир. Дастлабки 13та турда клуб 21 очко тўплади ва 5-ўринда бормоқда.

Ўтган турда "Марсель" ўтган турда ниҳоят сентябрь ойидан кейин дастлабки ғалабани қўлга киритди. Умуман олганда, "Сошо" устидан қозонилган ғалаба фахрланиш учун сабаб бўлмайди. "Марсель" аутсайдерларни мағлуб этиши шарт, буни клуб футболчилари ҳам тушуниб туришибди. "Сошо" сўнгги ўриндаги жамоа эди, "Марсель"нинг бу турдаги рақиби – охиридан битта юқоридаги жамоа.

"Провансаллар" Корсикада "Аяччо" меҳмони бўлишади. 12-турда "Валансьен"га мағлуб бўлган жамоа бош мураббийсиз қолди. Фабрицио Раванелли дастлабки 12та ўйиндан атига биттасида ютиб истеъфога чиқарилди. Дастлаб "Аяччо" раҳбарияти бир ҳафта ичида янги мураббий топишларини эълон қилишганди. Аммо "Марсель"га қарши ўйинга Корсика жамоасини вақтинча мураббий вазифасини бажараётган мутахассис тайёрлади.

"Марсель" учун энг катта йўқотиш - Андре Айю. Ганалик футболчи ЖЧ-2014 саралаши плей-оффида Мисрга қарши ўйинда жароҳат олди. Энди у 8 ҳафта даволанади Айюдан ташқари Род Фанни ҳам бу ўйинда майдонга туша олмайди.

euro-football.ru сайтидан Нарзулла Сайдуллаев таржимаси

"Аяччо" - "Марсель". Франция чемпионати 14-турининг дастлабки учрашуви анонси