Янги бош мураббий клубдан олаётган дастлабки таассуротлари билан ўртоқлашди.

- Авваламбор “Динамо” жамоаси раҳбариятига менга ишонч билдиришгани учун раҳмат айтаман. Энди бор имкониятимни ишга солиб жамоанинг манфаати йўлида курашамиз. Клубда шароитлар бор. Албатта, камчилик ҳамма жамоаларда ҳам мавжуд. Аммо “Динамо”да истиқболли режаларни амалга ошириш учун ҳамма нарса бор. Биз иккинчи даврага муносиб тайёргарлик кўрамиз ва мухлисларимизни қувонтиришга ҳаракат қиламиз. Жамоадаги молиявий имконият у қадар ёмон эмас. Раҳбарият бунинг учун барча чораларни кўрмоқда. Биз эса катта иштиёқ билан тайёргарликни бошлаяпмиз, деди – Ҳакимов.

Таъкидлаш керакки, айни пайтда мураббий таркибдаги ўйинчиларни жамоада сақлаб қолишга ҳаракат қилмоқда. Лекин жамоа етакчиларидан бири Азиз Ибрагимов “Динамо”ни тарк этди. Баҳром Ҳакимов эса таркибни кучайтириши мумкин бўлган бир қатор футболчиларни номзодини ҳам кўриб чиқмоқда. Асосийси, бу мавсумда клуб олий лигадаги мавқеини сақлаб қолиш учун курашади.

Шуҳратбек ЖЎРАЕВ.

Баҳром Ҳакимов: “Янги мақсадлар сари ишга киришдим”