"Mundo Deportivo" хабарига кўра, киевликлар эртага 10:00да Барселонада коронавирус тестини топширади. Клуб вице-президентининг айтишича, яна бир неча футболчилар вирус юқтириб олгани бўлиши мумкин.

Агарда эртанги тестларда яна бир футболчида вирус аниқланса, ўйин қолдирилиши мумкин. "Барселона"га қарши ўйинни ўтказиш учун 19 футболчи самолётда учиб келган. Унда "Динамо"нинг А рўйхатидан ўрин олган 13 футболчи бор. ЕЧЛ протоколида эса А рўйхатда камида 13 нафар футболчи бўлиши шарт деб ёзиб қўйилган.

Қизиқарли томони шундаки, ўтган турда "Шахтёр" А рўйхатдан 12 кишини Мадридга олиб борган ва ўйинни ўтказишга рози бўлганди. Агарда эртанги тест натижаларида жамоанинг яна бир футболчи (хоҳ А рўйхат, хоҳ Б рўйхат) вирусни юқтириб олган бўлса, "Динамо" ўйинни қолдириш борасида УЕФАга мурожаатнома билан чиқиши ва бу ҳолат қаноатлантирилиши мумкин.

"Барселона" - "Динамо" Киев учрашуви қолдирилиши мумкин