"Бир неча ҳафта олдин ўғлимиз Лен узоқ ва оғир касалликдан сўнг вафот этганини катта қайғу билан эълон қиламиз.
Буни оммага эълон қилиш қарори биз учун ниҳоятда оғир, аммо бу биз учун оила сифатида атрофимиздагилар ва жамоатчилик учун вазиятга ойдинлик киритиш учун муҳим қадамдир. Қизимиз билан бирга энди аста-секин ҳаётга қайтишга ҳаракат қиляпмиз.
Оиламиз, дўстларимиз ва "Бавария"га сўнгги бир неча ой давомида қўллаб-қувватлаб боргани учун алоҳида миннатдорлик билдирмоқчимиз – бу биз учун катта аҳамиятга эга. Биз жамоатчилик ва оммавий ахборот воситаларидан шахсий ҳаётимизни ҳурмат қилишларини сўраймиз. Бошқа саволларни беришдан ўзингизни тийинг", – деб ёзди Ульрайх.

ОАВ маълумотларига кўра, бола 6 ёшда бўлган.

36 ёшли Ульрайх июль ойи охирида "Бавария" билан шартномасини 2026 йилгача узайтирди. Дарвозабон 2015-2020 йилларда мюнхенликлар сафида тўп тепган, бир мавсумни "Гамбург"да ўтказган ва кейин "Бавария"га қайтган.

"Бавария" дарвозабони Улрайх ўғли вафот этганини эълон қилди