"Насаф" жамоаси қандайлигини яхши биламиз. Узоқ йиллардан бери шаклланиб келаётган жамоа саналади. Мураббий Рўзиқул Бердиев анча вақтдан бери бир текисда иш олиб бормоқда. Бундай жамоага қарши очиқ ўйин қилганимизда хато бўлар эди. Шунинг учун иккинчи рақам остида ҳаракат қилдик. Ўйлайманки, бизда ҳам вазиятлар бўлди. Аммо, яна ўша аҳвол. Ярим ҳимоя чизиғи вакиллари билан ишладик, бу борада ўсиш кузатилди. Энди ҳужумчилар билан ишлашимиз керак. Кейинги ўйинларда бошқача бўлади.

Тимур Усмоновни иложсизликдан орқароқда ўйнатяпмиз. Бу унинг жойи эмас. Ўзини хоҳиши билан олдинга кетаверди. Ўзим кўрсатма бериб Фарҳодни ўрнига олдинга чиқардим. Уни ўзи билан яна гаплашамиз.

"Андижон"да ўйнаган собиқ футболчиларни мураббий сифатида таклиф қилиш бўйича иш кетмоқда. Битта мураббийга осон эмас. Кеча ёрдамчиларим Б лицензиясига ўқигани кетганида қийналиб қолдик ўзимиз.

Раҳбарият томонидан ёшларга эътибор қаратиш вазифаси қўйилган, ёшларимизга ишонч билдирамиз. Бугун заҳирадан тушган ёшлар ўйинни кучайтирди. Кейинги учрашувларда яна бир нечта ёшларимизга имконият берамиз.

Охирги дақиқада барча олдинга ўтди, гол уриш учун ҳамма етиб келди. Бирор нарса қилишмоқчи бўлишди. Шу вазият сабаб Қаҳрамон Баҳодиров тортишиб кетди",- дейди Бахтиёр Ҳамидуллаев.

Бахтиёр Ҳамидуллаев: "Яна ўша аҳвол"