Канаданинг "Торонто" клуби ҳужумчиси Федерико Бернардески Италиянинг "Ювентус" клубига қайтиши мумкин, дея хабар берди "La Gazzetta dello Sport".

Хабар қилинишича, "кекса синьора" 29 ёшли италияликни қишда олти ойга ижарага олмоқчи. "Ювентус" бош мураббийи Массимилиано Аллегри Бернардески хизматларига жуда қизиқмоқда.

Эслатиб ўтамиз, Федерико Бернардески 2017 йилдан 2022 йилгача "Ювентус" сафида тўп тепган, у билан учта Италия чемпиони, шунингдек, икки кубок ва Италия Суперкубогини қўлга киритган. Бундан ташқари, "Ювентус" футболчиси сифатида Италия терма жамоаси либосида Евро-2020 чемпионлигига эришган.

Бернардески "Ювентус"га қайтиши мумкин