"Ливерпуль" - "Реал Мадрид"
Чемпионлар Лигаси "Б" гуруҳи 3-тур.
2 октябрь 2014. Стадион: "Энфилд Роуд"
Бош ҳакам: Никола Риццоли
Қанот ҳакамлари: Ренато Фаверани, Андреа Стефани
Захира ҳаками: Мауро Тонолини (Барчаси Италиядан)

Ёдингизда бўлса, “Ливерпуль” 2008/09 ЕЧЛ 1/8 финал босқичида Мадриднинг “Реал”ини икки ўйин натижасига кўра, 5:0 ҳисобида тор-мор келтирган эди.

Ўшанда Рафа Бенитес шогирдлари меҳмонда минимал ҳисобдаги ғалабани тантана қилган бўлсалар, ўша қизилларнинг собиқ мураббийи Кенни Далглиш сехри мўжизага қодир деган стадион “Энфилд Роуд”да йирик 4:0 натижаси қайд этилган.

Умуман олганда жамоалар шу вақтгача атиги 3 бор тўқнаш келган ва буни қарангки, уларнинг барчасида инглиз клуби зафар қучган. Шунингдек, мазкур баҳсларда “мерсисайдликлар” “қаймоқранглилар” дарвозасини 6 бор ишғол қилган, мадридликлар эса бир марта ҳам гол ура олмаган.

Тахминий таркиблар:
Ливерпуль: Миньоле – Джонсон, Ловрен, Шкртел, Морено – Джеррард, Аллен — Хендерсон – Коутиньо, Стерлинг, Лаллана

Реал: Касильяс – Карвахаль, Пепе, Варан, Марсело – Кроос, Модрич, Иско – Родригес, Роналду, Бензема

Жамоага ёрдам бера олмайдиганлар: Фланаган, Сусо, Старридж – Бэйл, Коэнтрау, Хесе, Рамос

Майдонга тушиши сўроқ остида: Сахо (Ливерпуль)

Қизиқ бу сафар омад кимга кулиб боқар экан? Балотелли исмли “пассажири” бор “Ливерпул”гами ёки ажойиб спорт формасида бўлган ва бирин-кетин гол уриш бўйича рекордларни янгилаётган Роналду бошлиқ “Қироллик клуби” футболчиларигами?

Омонжон Тўхтамирзаев тайёрлади

Биласизми? “Реал” ҳали умуман “Ливерпуль” дарвозасига йўл топа олмаган