"Liverpul" - "Real Madrid"
Chempionlar Ligasi "B" guruhi 3-tur.
2 oktyabr 2014. Stadion: "Enfild Roud"
Bosh hakam: Nikola Riccoli
Qanot hakamlari: Renato Faverani, Andrea Stefani
Zaxira hakami: Mauro Tonolini (Barchasi Italiyadan)

Yodingizda bo'lsa, “Liverpul” 2008/09 ECHL 1/8 final bosqichida Madridning “Real”ini ikki o'yin natijasiga ko'ra, 5:0 hisobida tor-mor keltirgan edi.

O'shanda Rafa Benites shogirdlari mehmonda minimal hisobdagi g'alabani tantana qilgan bo'lsalar, o'sha qizillarning sobiq murabbiyi Kenni Dalglish sexri mo'jizaga qodir degan stadion “Enfild Roud”da yirik 4:0 natijasi qayd etilgan.

Umuman olganda jamoalar shu vaqtgacha atigi 3 bor to'qnash kelgan va buni qarangki, ularning barchasida ingliz klubi zafar quchgan. Shuningdek, mazkur bahslarda “mersisaydliklar” “qaymoqranglilar” darvozasini 6 bor ishg'ol qilgan, madridliklar esa bir marta ham gol ura olmagan.

Taxminiy tarkiblar:
Liverpul: Minole – Djonson, Lovren, Shkrtel, Moreno – Djerrard, Allen - Xenderson – Koutino, Sterling, Lallana

Real: Kasilyas – Karvaxal, Pepe, Varan, Marselo – Kroos, Modrich, Isko – Rodriges, Ronaldu, Benzema

Jamoaga yordam bera olmaydiganlar: Flanagan, Suso, Starridj – Beyl, Koentrau, Xese, Ramos

Maydonga tushishi so'roq ostida: Saxo (Liverpul)

Qiziq bu safar omad kimga kulib boqar ekan? Balotelli ismli “passajiri” bor “Liverpul”gami yoki ajoyib sport formasida bo'lgan va birin-ketin gol urish bo'yicha rekordlarni yangilayotgan Ronaldu boshliq “Qirollik klubi” futbolchilarigami?

Omonjon To'xtamirzaev tayyorladi

Bilasizmi? “Real” hali umuman “Liverpul” darvozasiga yo'l topa olmagan