Айни кунларда стадионларда таъмирлаш ишлари жадал суратларда давом этмоқда. Хусусан, ўйингоҳларнинг кийиниш ва ювиниш хоналари таъмирдан чиқарилмоқда. Майдон майсаларини суғориш учун янги мосламалар ўрнатилди. Оҳангарон стадионининг трибунасининг том қисми ёпилиб, ёмғирли кунларда мухлисларга қулайлик яратилиши кўзда тутилган. Стадионларни таъмирлаш ишларига Бўка тумани ва Оҳангарон шаҳар ҳокимлиги ҳамда ҳомий ташкилотлар томонидан маблағ ажратилган.
Вилоят футбол ассоциацияси 2-лига баҳсларини янада қизиқарли ўтишини таъминлаш, вилоятда миллионлар ўйинини янада оммалаштириш ҳамда ривожлантириш йўлида бошқа туман, шаҳар ҳокимликларига ҳам стадионларни таъмирлаш борасида ташаббус билан чиқмоқда. Аҳамиятлиси, ҳокимликлар ҳам ассоциациямизнинг ташаббусини қўллаб-қувватламоқда. Режага кўра, вилоят биринчилиги стартига қадар яна бир нечта стадионлар капитал таъмирдан чиқариши режалаштирилган.

Бўка ва Оҳангарондаги стадионлар капитал таъмирланади