Тошкентда "Локомотив" Фарғонанинг "Нефтчи" клубини қабул қилади.

Ўйин 19:00да бошланади.

Ўйиндан нима кутяпмиз? Мамлакатимизнинг амалдаги чемпиони "Локомотив"га "Нефтчи" жиддий қаршилик кўрсата оладими? Маълумки, "Локомотив" ўз майдонида кучли футбол намойиш этади. Жамоа аксарият ўйинларни йирик ҳисобда ўз фойдасига ҳал қилиб келмоқда. "Нефтчи"нинг эса сафарда ўйини қовушмаяпти. Хўш, бугун фарғоналиклар "Локо" қаршилигини енга олишадими?

Факт: "Локомотив" шу пайтгача уйдаги ҳамма ўйинларда ғалаба қозонган. Тўплар нисбати 19-1. Кўриб турганингиздек, жамоа атиги битта гол ўтказиб юборган. "Темирйўлчилар" уйда "Сўғдиёна", "Олмалиқ", "Обод" ва "Қизилқум" каби клубларни гол ўтказмасдан мағлуб этишган.

Биласизми? "Локомотив" охирги олтита ўйиндан бери мағлуб бўлмай келмоқда. Жамоа тўртта учрашувда ғалабага эришган бўлса, икки марта дуранг ўйнаган.

Факт: Бугун "Нефтчи" сафарда 7-баҳсини ўтказади. Жамоа аввалги олтита беллашувнинг фақат биттасида ғалаба қозонган. Фарғоналиклар Жиззахда "Сўғдиёна"ни мағлуб этиб қайтишган. Қолган ўйинларда икки дуранг ва уч мағлубият қайд этилган. "Нефтчи" сафарда ҳозирча 5 очко тўплаган.

Биласизми? "Нефтчи" бу йил ўзидан кутилган ўйинни намойиш қила олмаяпти. Бунга қўлга киритилган атиги икки ғалаба ҳам мисол бўла олади.

Бугун футбол. "Локомотив" - "Нефтчи"