Учрашувда ҳисоб очилмагани ҳақида хабар берганмиз. Эътиборлиси шундаки, "қалдирғочлар" бу мавсумда биринчи бор олий лигада рақиб дарвозасига йўл топа олишмади.

Бунга қадар бўлиб ўтган 17та ўйинда Миржалол Қосимов шогирдлари камида битта гол уришганди. "Шўртан" клубнинг голли сериясига барҳам берди. Эслатиб ўтамиз, ушбу ўйинда Олександр Пишур белгиланган пенальтидан унумли фойдалана олмади.

Охирги марта "Бунёдкор" олий лига доирасидаги ўйинда 2012 йил 26 август санасида гол ура олмаган. Ўтган мавсумнинг 17-турида Қаршида "Насаф" билан 0:0 ҳисоби қайд этилган.

"Бунёдкор" бу мавсумда биринчи марта гол ура олмади