Учрашувнинг 26-дақиқасида Баҳодир Пардаевнинг чап қанотдан ошириб берилган тўпини Пишур дарвозага жойлаб қўйди - 0:1.

Сардор Рашидовнинг ўнг қанотдан ошириб берган тўпини Воҳид Шодиев тўхтатмасдан дарвозага йўллади, тўп Нестеров қўриқлаётган дарвозанинг тўққизлигидан жой олди - 0:2.

Бурчакдан ошириб берилган тўпни Шевченко боши билан дарвозага йўллади - 1:2.

Шу тариқа "Бунёдкор" ўз тарихида илк бор Ўзбекистон Суперкубогини қўлга киритди.

Ўзбекистон Суперкубоги
7 март, жума. 15:00. «Жар»
«Локомотив» (Тошкент) – «Бунёдкор» (Тошкент) 1:2
Ҳакамлар: Равшан Эрматов, Абдуҳамидулло Расулов (Ўзбекистон), Баҳодир Қўчқоров (Қирғизистон), Азиз Асимов (Тошкент).
Голлар: Олександр Пишур 26, - 0:1. Воҳид Шодиев 66, - 0:2. Вячеслав Шевченко 78, - 1:2.
«Локомотив»: 1. Игнатий Нестеров, 3. Евгений Гоголь, 4. Бобур Йўлдошев, 8. Акмал Холматов (77. Жасур Ҳасанов, 46), 10. Фарҳод Тожиев (23. Иван Нагаев, 46), 16. Жасур Ҳасанов, 19. Ислом Иномов (18. Фозил Мусаев, 71), 22. Виктор Карпенко, 30. Дилшод Жабборов, 88. Лутфулла Тўраев, 99. Вячеслав Шевченко
«Бунёдкор»: 25. Муротжон Зуҳуров, 2. Акмал Шораҳмедов, 4. Хайрулла Каримов, 6. Анвар Ғофуров, 8. Жавлон Иброҳимов, 11. Олександр Пишур, 16. Карлес Кото (21. Сардор Рашидов, 60), 24. Баҳодир Пардаев (7.Алибобо Раҳматуллаев, 76), 27. Сардор Собирхўжав, 33. Олег Зотеев (14. Воҳид Шодиев, 65), 40. Сергей Симоненко.
Назоратчи: Р. Серазитдинов (Тошкент).

МАТНЛИ ТРАНСЛЯЦИЯ
ЯНГИЛАШ

90+4 дақиқа. ЎЙИН ТУГАДИ. "Бунёдкор" Ўзбекистон Суперкубоги соҳибига айланди
90+3 дақиқа. Огоҳлантириш. "Бунёдкор". Хайрулла Каримов
90+3 дақиқа. Шевченко яқин масофадан дарвозани ишғол қила олмади
90+1 дақиқа. "Локомотив"нинг ҳужуми ўйиндан ташқари ҳолат туфайли узилиб қолди
90 дақиқа. Асосий вақтга 4 дақиқа қўшиб берилди
87 дақиқа. Огоҳлантириш. "Бунёдкор". Воҳид Шодиев
85 дақиқа. Хавфли вазият! Алибоб Раҳматуллаевнинг ўнг қанотдан ошириб берилган тўпни Рашидов дарвозага йўллади, бироз ноаниқ!
83 дақиқа. "Локомотив" тинмай ҳужум қилмоқда...
78 дақиқа. Бурчакдан ошириб берилган тўпни Шевченко боши билан дарвозага йўллади - 1:2.
78 дақиқа. ГООООООООООООООООООЛ. 1:2. ВЯЧЕСЛАВ ШЕВЧЕНКО
76 дақиқа. Огоҳлантириш. "Локомотив". Иван Нагаев
75 дақиқа. Нагаев тўпни тепиш вақтида кутилмаганда Ғофуровнинг юзига зарба берди
74 дақиқа. Ўзгариш. "Бунёдкор". Баҳодир Пардаев ўрнига Алибобо Раҳматуллаев майдонга тушди
71 дақиқа. Ўзгариш. "Локомотив". Ислом Иномов ўрнига Фозил Мусаев майдонга тушди
70 дақиқа. Чап қанотдан Ғофуров узатган тўпни Рашидов акробатик тарзда дарвозага йўллади, ноаниқ.
66 дақиқа. Сардор Рашидовнинг ўнг қанотдан ошириб берган тўпини Воҳид Шодиев тўхтатмасдан дарвозага йўллади, тўп Нестеров қўриқлаётган дарвозанинг тўққизлигидан жой олди - 0:2.
66 дақиқа. ГООООООООООООООООЛ. ВОҲИД ШОДИЕВ 0:2
65 дақиқа. Ўзгариш. "Бунёдкор". Олег Зотеев ўрнига Воҳид Шодиев майдонга тушди
63 дақиқа. Жасур Ҳасанов тўпни жарима майдонига узатмоқчи бўлганида тўп Шораҳмедовнинг қўлига тегиб қайтди, Равшан Эрматов вазиятга яқин эди ва тўп қўлни топди деб ҳиосблади
61 дақиқа. Хавфли вазият! Катта Жасурнинг дарвозага йўллаган зарбасидан сўнг тўпни Зуҳуров қайтарди, қайтган тўпни Шевченко 4 метр масофадан дарвозага йўллай олмади!
60 дақиқа. Пишурнинг 16 метрлардан йўллаган зарбасини Нестеров қайтарди
59 дақиқа. Ўзгариш. "Бунёдкор". Карлес Кото ўрнига Сардор Рашидов майдонга тушди
58 дақиқа. "Темирйўлчилар"нинг навбатдаги бурчак тўпи ҳам ҳимоячилар томонидан қайтарилди
57 дақиқа. Огоҳлантириш. "Локомотив". Ислом Иномов
55 дақиқа. Хавфли вазият! Бурчакдан ошириб берилган тўпни Гоголь боши билан дарвозага йўллади, бирозгина ноаниқ
54 дақиқа. Катта Жасур Ҳасанов чап қанотда анча фаол ўйнамоқда
53 дақиқа. Огоҳлантириш. "Бунёдкор". Жавлон Иброҳимов
52 дақиқа. Игнатий Нестеров Пишурни ўз техникаси орқали алдади, мухлисларга бу ёқди
50 дақиқа. Анвар Ғофуровнинг чамаси 30 метрлардан йўллаган зарбаси ноаниқ чиқди
49 дақиқа. Ҳисобда ортда қолаётган "Локомотив" ҳужум қилишда давом этади
48 дақиқа. Дилшод Жабборовнинг жарима майдони ташқарисидан йўллаган зарбаси ноаниқ кетди.
47 дақиқа. Майдон марказида Хайрулла Каримов Шевченкони қўполлик билан тўхтатди.
46 дақиқа. Иккинчи бўлим бошланди.
46 дақиқа. Ўзгришлар. "Локомотив" Акмал Холматов ўрнига Жасур Ҳасанов, Фарҳод Тожиев ўрнига Иван Нагаев майдонга тушди
46 дақиқа. Майдонга тушиш учун катта Жасур Ҳасанов тайёргарлик кўрмоқда.

45+1 дақиқа. Дастлабки бўлим якунланди, ҳозирча 0:1. Танаффус
45+1 дақиқа. Акмал Холматовнинг 20 метрлардан йўллаган зарбаси анча ноаниқ кетди
45 дақиқа. Биринчи бўлимга бир дақиқа қўшиб берилди
43 дақиқа. "Локомотив"нинг қарши ҳужуми. Бироқ Фарҳод Тожиев тўпни ўзидан узоқлаштириб юборди
42 дақиқа. Яна бир вазият! Бурчак тўпидан сўнг Пишур тўпни дарвозага йўллади, устун ёнида турган Карпенко тўпни қайтариб юборди
40 дақиқа. Хавфли вазият! Аввал Кото катта тезликда олдинга борди ва зарба берди, тўп йўлига ҳимоячилар қалқон бўлишди. Сўнгра Анвар Ғофуров чап қанотдан олдинга ўтиб тўпни ҳаволатиб жарима майдони ичига узатди, Пишур зарба бера олмади
39 дақиқа. Фарҳод Тожиев ҳужумда 3 нафар рақибни алдаб ўта олмади
38 дақиқа. Тўп асосан "темирйўлчилар"да сақланиб турибди
37 дақиқа. Огоҳлантириш. "Локомотив". Лутфулла Тўраев
36 дақиқа. "Локомотив" катта куч билан олдинга ўтмоқда, аммо ҳимоячилар ўз ўринларида яхши ўйнашмоқда
32 дақиқа. Тожиевнинг ажойиб пасидан сўнг Шевченко дарвозабон билан бирга бир вазиятга чиқиб борди, аммо тўпни тўхтата олмади. Кейинги ҳужумда Жасур Ҳасанов тўпни ўнг қанотдан оширди. Акмал Холматов тўпни тўхтатмасдан дарвозага йўллади, ноаниқ
29 дақиқа. Вячеслав Шевченконинг 20 метрлардан йўллаган зарбаси ноаниқ кетди
26 дақиқа. Баҳодир Пардаевнинг чап қанотдан ошириб берилган тўпини Пишур дарвозага жойлаб қўйди - 0:1
26 дақиқа. ГООООООООООООООООЛ. Олександр Пишур 0:1.
25 дақиқа. Хавфли вазият. "Бунёдкор"нинг тезкор ҳужуми вақтида Пишур тўпни марказда турган Зотеевга тўп узатди, Олегнинг зарбаси анча ноаниқ бўлди
23 дақиқа. Шораҳмедов ўнг қанотдан тўпни жарима майдони ичига узатди, Иномов тўпни қайтарди
22 дақиқа. Пишур майдон марказида Шевченкога нисбатан қўпол ўйнади, украиналиклар тўқнашуви
20 дақиқа. Иномов Пишурни йиқитди, 35 метлардан Собирхўжаевнинг йўллаган зарбаси жонли деворга тегиб қайтди
19 дақиқа. Олег Зотеев қанотда Жасур Ҳасановга нисбатан қўпол ўйнади, ҳакам Олегни оғизаки тарзда огоҳлантирди
18 дақиқа. Баҳодир Пардаев ҳужумда Ислом Иномовга нисбатан қўпол ўйнади
16 дақиқа. Шораҳмедовнинг жарима тўпидан ошириб берилган тўпига ҳеч ким ета олмади
15 дақиқа. Огоҳлантириш. "Локомотив". Евгений Гоголь
14 дақиқа. Майдон марказида Иброҳимовга нисбатан қўпол ўйнашди
13 дақиқа. Акмал Холматов томонидан амалга оширилган жарима тўпи ноаниқ кетди.
12 дақиқа. Хайрулла Каримов тўпни тепиб юбориш вақтида Шевченконинг бошига зарба берди, жарима тўпини "Локо" тепади
11 дақиқа. Ҳар иккала жамоа мухлислари ўз суюклиларини қўллаб-қувватлаб туришибди.
9 дақиқа. Собирхўжаев томонидан узатилган тўп ноаниқ кўриниш олди, ёш футболчи бугун асосий таркибда майдонга тушгани эътиборга молик
8 дақиқа. "Бунёдкор" чап қанотдан ҳужумга ўтди, Гоголь ҳужумни тўхтатди
6 дақиқа. Карпенко жарима тўпини амалга оширди, Акмал Холматов чап қанотда тўпни эгаллаб олди ва жарима майдонига узатди, ноаниқ.
5 дақиқа. Огоҳлантириш. "Бунёдкор". Анвар Ғофуров
4 дақиқа. Ҳозирча ҳеч бир томон ҳужумга ўтмади
1 дақиқа. Ўйин иккала жамоанинг фаоллиги билан бошланди.
15:00. ЎЙИН БОШЛАНДИ!
14:59. Номинал мезбон ҳисобланган "Локомотив" клуби бугун қизил, "Бунёдкор" эса оқ формада ўйнайди
14:56. Ўзбекистон давлат мадҳияси
14:55. Жамоалар майдонга чиқиб келишмоқда
14:52. «Бунёдкор»: 25. Муротжон Зуҳуров, 2. Акмал Шораҳмедов, 4. Хайрулла Каримов, 6. Анвар Ғофуров, 8. Жавлон Иброҳимов, 11. Александр Пишур, 16. Карлес Кото, 24. Баҳодир Пардаев, 27. Сардор Собирхўжав, 33. Олег Зотеев, 40. Сергей Симоненко.
14:51. «Локомотив»: 1. Игнатий Нестеров, 3. Евгений Гоголь, 4. Бобур Йўлдошев, 8. Акмал Холматов, 10. Фарҳод Тожиев, 16. Жасур Ҳасанов (кичик), 19. Ислом Иномов, 22. Виктор Карпенко, 30. Дилшод Жабборов, 88. Лутфулла Тўраев, 99. Вячеслав Шевченко
14:50. Жамоалар таркиби билан танишиб олинг
14:30. Иккала жамоа футболчилар чигалёзди машқларини бажришмоқда

"Бунёдкор" Ўзбекистон Суперкубоги соҳиби!