"Барселона" клуби ярим ҳимоячиси Серхио Бускетс ўз маошининг камайиши борасидаги хабарларга муносабат билдирди.
"Бу ҳақида кўп эшитдим. Таътилдан қайтганимдан сўнг менга нима дейишларини билмайман. Маошим қисқарганини матбуотдан эшитишни истамаган бўлардим. Бизга ҳеч нима дейишгани, нимадир таклиф қилишгани йўқ. Биз бу гапларни сизлардан, яьни журналистлардан эшитиб турибмиз.
Бу хабарни матбуот орқали тарқатиш яхши иш эмас. Клуб буни тўғри юзимизга айтиши лозим", -дейди Серхио Бускетс.
