"Академия футболчиларидан қайси бири жамоа билан Олмаотага бориши ва асосий таркибда майдонга тушиши ҳозирча номаълум. Бироқ клубнинг янгиланган таркибига 11 нафар футболчи киритилган: Харрисон Мюррей-Кэмпбелл, Кайден Уилсон, Тайрик Жорж, Киано Дайер, Харрисон Макмахон, Самуэль Рак-Саки, Ато Ампах, Макс Меррик, Жош Ачемпонг, Шумайра Мхеука ва Ричард Олисе. Турнир бошида фақат Ачемпонг, Дайер, Джордж, Макмахон ва Меррик рўйхатга киритилган эди, аммо мусобақа давом этар экан, клуб "Б" рўйхатига чексиз ўйинчиларни қўшишга рухсат берувчи қоидадан фойдаланди. "Челси" анъанавий равишда ёш истеъдодларни тарбиялаш бўйича Англиядаги энг яхши академиялардан бири ҳисобланган "Кобхэм" академиясидаги шогирдларига ишонади. Шу билан бирга, учрашувда иштирок этиш U-21 футболчиларининг тақвимини бузмайди, чунки уларнинг навбатдаги ўйини душанба куни бўлиб ўтади", – деб ёзмоқда Британия ОАВ.
Эслатиб ўтамиз, "Астана" – "Челси" учрашуви Олмаотадаги "Орталик" стадионида бўлиб ўтади. Беллашув 12 декабрь куни 20:30 да бошланади. Ўйин куни ҳаво ҳарорати -17 даража атрофида бўлиши кутилмоқда.
Изоҳлар