26 ёшли Рафинья "Лидс Юнайтед"даги икки йиллик эътиборни тортадиган фаолияти туфайли Англия Премьер-лигасига бегона эмас. Бразилиялик футболчи ўтган ёзда "Барселона"га 55 млн фунтга трансфер қилинган эди.

Ўтган йили "кўклар" ҳужум чизиғи вакилини бой берганига қарамай, унга бўлган қизиқишини йўқотгани йўқ. Шу билан бир қаторда, "Стэмфорд Бридж"да Каталония клуби вингерини яхши кўрадиганлар ҳалиям бор.

Рафинья жорий мавсум "кўк-анорранглилар" сафида яхши ўйин кўрсатиб, жами 38 та ўйинда 9 та гол ва 9 та ассист натижасини қайд этди. Футболчи Ла Лига вакили билан 2027 йилгача мўлжалланган битимга эга. Унинг бошқа клубга кўчиб ўтишга хоҳиш билдириш эҳтимоли жуда паст. Бошқа бир испан нашри ҳужумчи ушбу мавсум охирида келажаги борасида аниқ қарорга келиши мумкинлигини айтган эди.

"Челси" ҳамон 55 млн фунтлик ҳужумчига қизиқмоқда