Аргентиналик мураббий шу қадар омадсизликка учраяптики, Грэм Поттернинг натижасини такрорлади. 23 ўйиндан кейин Маурисио АПЛда 10 бор мағлуб бўлиб, бор йўғи 31 очко жамғарди. Бир йил олдин Поттер 32 очко ва 7 мағлубият қайд этиб турганди. Почеттино қўл остида миллиард евро эвазига жамланган таркиб бўлишига қарамай, шарманда бўлмоқда. Охирги натижалар оқибатида футболчиларнинг трансфер нархлари тушган бўлсада, гап жуда катта умумий сумма ҳақида кетмоқда.

Бироқ клуб Почеттинони яқин орада хайдаб, вазиятни ўнглай оладиган мураббий таклиф қила олмайди. Сабаби бир оз кулгили туюлиши мумкин – Маурисиога тўланадиган компенсация пули. Пулдан умуман муаммоси бўлмаган "Челси"да пул билан муаммо... "Аристократлар" Боэли келгач, уни шундай сарфлашдики, агар ҳозир мураббийга 10 миллион фунт тўланса, молиявий фейр-плэй бузилиши сабабли жазога тортилиши мумкин.

"Челси" Маурисио Почеттинони кулгили сабаб туфайли ишдан бўшата олмайди