"Шаҳарликлар" келгуси турда "канонирлар" билан тўқнаш келади.
"Биз 49 ўйинда бир неча мартагина мағлуб бўлган, Чемпионлар лигасида эса ҳеч қачон ютқазмаган жамоага қарши ўйнаймиз. Лига Кубоги финалида "Сити" умуман фаворит эмас эди. Бу мамлакатда биз рақибдан анча кучлимиз деб ҳатто 1 фунт ҳам қўйишга тайёр одам топилмасди. Балки ҳозир вазият ўзгаргандир.
Мен "Арсенал"ни ҳурмат қиламан, чунки улар сўнгги йилларда қандай ўйнаётганини биламан. Уларнинг мураббийини, футболчиларини, маҳорат даражасини ва турли вазиятларда курашишда давом этаётганини биламан. Биз қаттиқ ишлашимиз керак — баъзи тактик масалалар бор, балки бироз ўзгартириш киритамиз.
Ҳозир "Арсенал" — мамлакат ва Европадаги энг яхши жамоа. Бу жамоани бир марта енгишнинг ўзи қийин вазифа, бир неча ҳафта ичида икки марта енгиш қандай бўлишини тасаввур қилинг. Бизга дам олиш керак.
Мухлисларга шуни айтмоқчиман: "Арсенал"га муносиб ҳурмат кўрсатинг — бу ажойиб жамоа. Ўйиннинг биринчи дақиқасидан бошлаб бизни қўллаб-қувватланг, чунки футболчилар бор имкониятларини бериб ўйнашади", — деди Гвардиола.
