Англия чемпионати, 1-тур.

"Бернли" - "Челси" 1:3

"Терф Мур" стадиони.

Бош ҳакам: Майкл Оливер.

Голлар: Арфилд (14), Диего Коста (17), Шюррле (21), Иванович (34).

"Бернли": Хитон, М. Дафф, Шекелл, Триппьер, Бен Ми, Джонс, Арфилд, Марни, Тэйлор (Кигтли, 70), Ингз (Сорделл, 82), Юткевич (Барнес, 70).

"Челси": "Куртуа, Иванович, Кэйхилл, Терри, Аспиликуэта, Фабрегас, Оскар (Микел, 82), Э. Азар (Дидье Дрогба, 84), Матич, Шюррле (Виллиан, 78), Коста.

Огоҳлантиришлар: Диего Коста (31), Сорделл (87).

МАТНЛИ ТРАНСЛЯЦИЯ

ЯНГИЛАШ

Барча "Челси" мухлисларини ғалаба ва омадли старт билан табриклаймиз! Эътиборингиз учун раҳмат! Доимо соғ-саломат бўлинг, Азиз футбол ишқибозлари! Кейинги учрашувларда ғойибона кўришгунча...

УЧРАШУВ ЯКУНЛАНДИ!

90` Учрашувнинг иккинчи бўлимига 3 дақиқа вақт қўшиб берилди.

88` "Челси" иккинчи бўлимда рақиб дарвозаси томон аниқ зарба берганича йўқ. Биринчи бўлимдаги "Челси"ни кўрганингиз йўқми?

87` Сорделл Жон Террига нисбатан қўпол ҳаракат қилгани учун огоҳлантирилди.

84` Эден Азар ўрнига Дидье Дрогба майдонга тушди.

83` "Бернли" жамоаси таркибида сўнгги ўзгариш. Ингз ўрнига Сорделл тушди.

82` Оскар майдонни тар этмоқда. Унинг ўрнига Жон Оби-Микел туширилди.

80` Ўйин тақдири ҳал этилган. Қолган дақиқларни жамоалар шунчаки ўтказишмоқда...

78` "Челси" сафида ўзгариш руй берди. Шюррле ўз ўрнини Виллианга бўшатиб берди.

75` "Бернли" жарима тўпини айёрона тарзда амалга оширмоқчи бўлдию, аммо ўзлари адашиб кетишди. Натижада узатиб берилган тўпга ҳеч ким зарба беришни уддасидан чиқолмади.

72` Ўйин анча секинлашиб қолди. Жамоалар таблодаги ҳисобни ҳис этиб ўйнашмоқда...

70` "Бернли" жамоаси таркибида ўзгариш. Юткевич ўрнига Барнес ва Тэйлор ўрнига Кигтли туширилди.

67` Ивановичнинг узатиб берган тўпига зарба берадиган футболчи топилмади.

65` "Бернли"нинг навбатдаги уриниши бесамар кетди. Мезбонлар таркибидаги бош билан ўйнай оладиган ҳужумчи кўринмаяпти. Юткевич ва Ингс ҳозирча иккинчи қаватда ўз имкониятларидан фойдалана олишмаяпти.

63` "Челси"нинг ўнг қанотдан уюштирган ҳужуми якунига етмай қолди. Шюррленинг жарима майдончаси томон узатиб берган тўпини ҳимоячилар бартараф этишди.

61` Юткевичнинг ноаниқ зарбаси ва Тибо Куртуа тўпни эркин зарба билан ўйинга киритади.

60` Сеск Фабрегас, Шюррле, Азар, Оскар тўпни бир-бирларига етказиб туришибди. "Бернли" эса ўз жарима майдончаси олдида зич жойлашиб олган.

57` Ўйин темпи биринчи бўлимдагидек эмас. Ҳозирча ҳаммаси аста-секин давом этмоқда.

55` Шюррленинг жарима тўпидан амалга оширган зарбаси ноаниқ чиқди.

53` Эден Азар! Қойил! Бу футболчини фақатгина қўполлик эвазига тўхтатиб қолиш мумкинлигини рақиб ҳимоячиси пайқаб қолди ва шу услубни танлади. Жарима тўпи.

52` Бурчак узатиб берилган тўпни Тибо Куртуа ушлаб олди ва хавфни йўққа чиқарди.

51` "Бернли" жамоаси катта иштиёқ билан иккинчи бўлимни ўтказмоқда. Ҳозирча фақат мезбонлар ҳужум уюштиришмоқда.

50` ТИБО КУРТУА! Ниҳоят ушбу посбон ўзини кўрсатишга эришди. Ажойиб тарзда амалга оширилган тўпни катта маҳорат кўрсатиб бартараф этишни уддасидан чиқди. Қойил!

49` Трансляция режиссёрлари Дидье Дрогбани кўрсатишди. Ҳа, у яна "Челси" футболчиси ва Жозе Моуриньо жамоаси таркибида.

48` "Бернли"нинг навбатдаги ҳужуми бесамар якунланди.

47` Иккинчи тайм ҳам биринчисидек мезбонларнинг тезкор ҳужуми ва зарбаси билан бошланди. Ингснинг тепган тўпи ноаниқ чиқди.

46` Иккинчи бўлим бошлади!

45` Биринчи бўлим тугади. ТАНАФФУС!

44` Биринчи бўлим тезлик билан ўтиб кетгандек...

43` Ўйин бироз тинчлангандек.

41` Бранислав Иванович майдонга ноқулай тарзда йиқилди ва шифокорлар томонидан тиббий ёрдам олди.

39` Жозе Моуриньо жамоаси мавсумдаги илк учрашувини юқори савия ўтказмоқда. "Special one" мавсумга пухта тайёргарлик кўргани кўриниб турибди.

37` "Челси" ўтказиб юборилган голдан кейин рақибини "ғажиб" қўйди.

35` Бурчак тўпидан сўнг Бранислав Иванович рақиб дарвозасини ишғол этид ва ҳисобдаги фарқни иккитага оширди.

34` ГООООООООООООООООООООЛ! ИВАНОВИЧ!

33` "Челси" бурчак тўпи ишлаб олди. Яна бир стандарт вазияти.

32` "Челси" ҳужумга ташна. Улар олдинга боришдан чарчашмаяпти. Жозе Моуриньо жамоаси ҳозир фақат ҳужум қилиш ҳақида бош қотирмоқда.

30` Ҳа, бу ерда Диего Коста ўз услубидан фойдаланиб кўрмоқчи бўлди. Диего Коста ўзининг севимли ишларидан бири симуляцияни ишлатиб кўрди ва ҳакам томонидан сариқ карточка билан жазоланди.

28` "Бернли" ҳам анойи жамоалардан эмаслигини майдонда исботлашга уринмоқда.

26` Ҳали айтиб ўтганимдек, бугунги учрашув АПЛнинг 1-туридаги энг қизиқарли ўйин бўлмоқда. Адашмаган эканмиз...

23` Голга тўхталадиган бўлсак, Фабрегас майдон марказидан ҳужумни бошлаб берди. Тўп Азарга келиб тушди. Бельгиялик ҳужумчи рақибларини бирин-кетин алдаб ўтди ва тўпни қанотдан келаётган Иванович томон узатди. Бранислав жарима майдончаси чизиғи остида турган Фабрегасни қидириб топди. Сеск кўпчилик зарба берадиган вазиятда кутилмаганда тўпни бир уринишда Шюррле томон ташлаб берди. Жаҳон чемпиони эса тўпга оёғини ўз вақтида қўйди ва жамоасини ҳисобда олдинга олиб чиқди, 1:2!

22` Ўйин шарҳини ёзишга улгурмай қоляпман. Буни тўғри тушунгайсиз:-)

21` ГООООООООООООООООООООООООООООЛ! ШЮРРЛЕ! ГОЛ ЭМАС, АЖОЙИБ ГОЛ!

19` Диего Коста дебют ўйинидаёқ гол уришга муваффақ бўлди.

18` "Челси" олдинга боришга мажбур демоқчи эдим ва бу ўз сўзини айтмоқда. Жозе Моуриньо жамоаси тезкор жавоб қайтара олди. Моуриньо эса голдан сўнг уни ўз услубида нишонлашга ҳам улгурди.

17` ГООООООООООООООООООООООООООООООЛ! ДИЕГО КОСТА! Бранислав Ивановичнинг қанотдан йўллаган кучли зарбаси дарвоза устунига тегди ва Диего Костанинг оёғи остига бориб тушди. "Челси"нинг янги сотиб олган ҳужумчиси бу вазиятдан унумли фойдалана олди, 1:1!

15` Чап қанотдан ривож олган ҳужум мезбонлар учун самарали якунланди. Қанотдан узатиб берилган тўпни жарима майдончаси ичида қабул қилган Арфилд ўзининг кучли зарбаси билан дарвозани ишғол қилишга эришди, 1:0.

14` ГОООООООООООООООООООООООООООООЛ! АРФИЛД! Ажойиб зарба ва чиройли гол! Арфилднинг зарбасини Тибо Куртур нигоҳлари билан кузатиб қолди холос...

13` "Бернли" ҳам ҳужум қилиш кераклиги эслаб қолди чоғи.

12` Бурчак тўпи самарали якунланмади. Лекин "Челси"нинг ҳужуми узоқ давом этди. Сўнгги паллада қанотдан узатилган нотўғри пас ҳаммасини чиппакка чиқарди.

11` Андре Шюррле анча фаол. Германиялик футболчи жамоаси учун бурчак тўпи ишлаб олди.

9` Фабрегас майдон марказидан Шюррлега ажойиб пасни амалга оширди. Шюррле эса жарима майдончаси ичидан Азарни қидириб топди. Лекин рақиб ҳимоячилар ўз ишларини яхши бажаришди ва хавфни бартараф этишни уддасидан чиқишди.

7` Бугунги ўйин уйқуни бир четга суриб қўйишга арзийдиган даражада бошланди. Менимча, биринчи турнинг энг қизиқарли бўаётган ўйини. Гарчи беллашув эндигина бошланган бўлсада...

6` Ўйин дебюти анча жонли бошланди. "Челси"нинг хавфли ҳужумига мезбонлар ҳам муносиб тарзда жавоб қайтара олишди. Юткевичнинг бу сафарги уриниши ҳам бироз ўхшамади.

5` Меҳмонларнинг илк хавфли ҳужуми. Жаҳон чемпиони Андре Шюррленинг кучли зарбаси ҳимоячига тегиб ўз йўналиши узгартирди. Сал қолса тезкор гол кўрардик.

4` Жозе Моуриньо бугун Диего Костани ҳужумда қўйган. Унинг ортида кучли "трио" Азар-Оскар-Шюррле ҳаракат қилмоқда. Даҳшатли учбурчак-а?

3` Диего Коста "Челси" сафидаги ўзининг илк расмий ўйинида ўйин қоидасини бузишга улгурди.

2` Дастлабки зарба муаллифи Юткевич. Лекин тўп Куртуа қўриқлаётган дарвоза томон аниқ бормади.

1` УЧРАШУВ БОШЛАНДИ! Демак бошладик...

Жамоалар майдонга чиқиб келишмоқда.

Ассалому алейкум қадрли футбол ишқибозлари! Бугун Англия премьер лигаси 1-турнинг сўнгги беллашуви "Бернли" - "Челси" баҳси бўлиб ўтади. Мазкур ўйиндан матнли онлайн репортажимизни бошлаймиз. Жозе Моуриньонинг янгиттан тайёрлаган жамоаси янги мавсумдаги ўзининг илк расмий учрашувини чемпионат дебютантига қарши меҳмонда ўтказади. "Челси" мухлислари ва умуман Англия чемпионатига бефарқ бўлмаган ишқибозлар учун ушбу беллашув шарҳини камина Шаҳбоз Беғамов ёзиб боради.

Учрашув соат 00:00да бошланади.

"Челси" мавсумни ғалаба билан бошлади