"Championat.asia" сайти талқинига кўра 10-турнинг энг яхши дарвозабони - Низомиддин Зиёвутдинов ("Арал")
"Арал" жамоаси ўтган турда чемпионат етакчиларидан бири ва фаворити "Қўқон-1912" меҳмони бўлди. Қизиқарли ўтган беллашувда меҳмонлар ортга 2:1 ҳисобидаги ғалаба билан қайтди. Шу куни майдон эгалари рақиби дарвозаси олдида бир нечта хавфли вазиятлар яратди. "Арал" посбони Низомиддин Зиёвутдинов эса ўз маҳоратини намойиш қилди.
"Championat.asia" сайти талқинига кўра 10-турнинг энг яхши футболчиси - Муҳриддин Расулов ("Арал")
Муҳриддин Расулов "Қўқон-1912"га қарши учрашувда "Арал" таркибида фаол ҳаракатлари билан ажралиб турди. У ўйин давомида рақиб дарвозасини ишғол қилишдан ташқари жамоадошининг битта голига ассистенлик қилди. Муҳриддин Расулов 10-турнинг энг яхши футболчиси номига муносиб деб топилди.
"Championat.asia" сайти талқинига кўра 10-турнинг энг яхши мураббийи - Неъматилло Қуттибоев ("Арал")
"Арал" Про лигада сўнгги турлардаги барқарор юришини ўтган турда ҳам давом эттирди. Бу сафар Суперлигага чиқишга асосий даъвогар "Қўқон-1912" таслим қилинди. Жамоа биринчи даврадаги мағлубият учун реванш олди дейишимиз мумкин. Табиийки, "Арал" бош мураббийи Неъматилло Қуттибоев 10-турнинг энг яхши мураббийи бўлди.
Изоҳлар