"Челси" ва "Арсенал" собиқ дарвозабони Петр Чех "Челмсфорд Чифтенз" хоккей жамоаси билан бир йиллик шартнома тузди.

40 ёшли собиқ посбон "Оксфорд Сити Старс"га қарши сафар ўйини олдидан "Челмсфорд "га келиб қўшилди ва 39-рақамли либос остида дебют қилди.

"Челмсфорд" "Оксфорд"ни 6:4 ҳисобида мағлуб этди ва Чех учрашувнинг энг яхши ўйинчиси деб топилди.

"Челси" учун дарвозабон барча мусобақаларда 494 та ўйин ўтказган. Лондоннинг "Арсенал" жамоаси таркибида эса 139 учрашувда майдонга тушган. Дарвозабон футболчилик фаолиятини 2019 йилда якунлаган.

Чех Тодд Боэли Лондон клубини сотиб олгач, "Челси" техник директори лавозимини тарк этган эди.

Чех Англия хоккей клуби билан шартнома имзолади