Championat.asia ўтказилган баҳслар асосида тур лауреатларини аниқлади.

"Бунёдкор" кипери Суҳроб Султонов Championat.asia сайти талқинига кўра 4-турнинг энг яхши дарвозабони деб топилди.

У ажойиб ўйини орқали жамоаси "Турон" билан баҳсда камида 1 очко ишлашини таъминлади.

"Пахтакор" аъзоси Драган Черан Championat.asia талқинига кўра 4-турнинг энг яхши футболчиси дея эълон қилинди.

Суперлигада интрига кучайиши, рақобат ўсиши, Чераннинг ёши каттариши мумкин, лекин унинг кўрсаткичлари бу лигада ҳеч ўзгармайди ва футболчи ҳали ҳам жамоаси фойдасига ҳал қилувчи фарқни амалга оширмоқда.

"Металлург"га қарши ўйиндаги хет-трик билан Черан нафақат турнинг энг яхши футболчиси номини, балки мусобақа тўпурари етакчилигини ҳам қайтариб олди.

"Қизилқум" футболчиси Ислом Кенжабоев "Насаф" дарвозасига киритган тўп Championat.asia талқинига кўра 4-турнинг чиройли голи (ВИДЕО) деб топилди.

Кенжабоев рақиб ҳимоячиларини эсанкиратиб қўйиб, ажойиб рейд уюштирган ҳолда чиройли гол урди. У муносиб равишда сайтимиз экспертлари томонидан энг яхши дея тан олинди.

"Турон" бош мураббийи Бахтиёр Ашурматов Championat.asia талқинида 4-турнинг энг яхши мураббийи сифатида эътироф этилди.

Гап шундаки, "Турон" бош мураббийи Бахтиёр Ашурматов гарчи лигада жорий мавсум ҳали ғалабага эришмаган бўлса-да, лига пешқадамларидан бири бўлган ва ҳали умуман очко йўқотмаган "Бунёдкор"ни Тошкентда ўйин тарафлама анча саросимага туширди. Ўйинда асосан биринчи рақамда устунлик билан ўйнаган "Турон" ҳақли равишда «Бунёдкор»дан очко тортиб олди ва бу борада Суперлигадаги илк жамоага айланди.

Ашурматов шу куни ўзи учун ҳал қилувчи баҳсни жуда яхши ўтказиб, жамоасини ўйинга муносиб тайёрлаганини амалда кўрсатди ва сайтимиз экспертлари томонидан энг яхши мураббий дея эътироф қилинди.

Coca Cola Суперлигаси. 4-турнинг энг яхшилари