Ярим мавсум давомида ҳакам томонидан жами 42 маротаба 11 метрли жарима зарбаси белгиланган. Улардан 34 таси голга айланган. 8 та зарба эса стандарт амалга ошираётган футболчининг бошини чангаллашига сабаб бўлган. Баъзи ҳолатларда эса пенальти тегаётган жамоа футболчилари рақиб посбонидан қайтган тўпни дарвоза киритишга муваффақ бўлган.

Биринчи даврада энг кўп "Навбаҳор" фойдасига (5 та) пенальти белгиланган. Наманганликлар уларнинг 3 тасинига голга айлантира олишган. Бу борада энг кам омади кулган жамоа "Сўғдиёна" ҳисобланиб, улар атиги 1 маротаба лотореяга эга бўлган, бироқ Жавоҳир Қаҳрамонов "Қизилқум" дарвозасини ишғол қила олмаган.

"Пахтакор" ва "Қизилқум" дарвозасига эса ҳакам томонидан энг кўп пенальти белгиланган — 7 тадан. Навоийликлар дарвозасига тепилган стандартларнинг 5 таси голга айланган бўлса, пойтахтликлар томон йўлланган зарбаларнинг атиги 4 таси дарвоза тўридан жой эгаллаган. Шунигдек, "Бунёдкор" дарвозаси томон тепилган 5 та пенальтининг 2 тасигина голга айланган.

Учта жамоа — "Навбаҳор", "Олимпик" ва "Бухоро" жарима майдончасида ҳакам 11 метрли нуқтага ишора қилмаган.

Пенальтиларни самарали амалга оширишда "Пахтакор" ва "Нефтчи" етакчи — улар (аниқроғи, Черан ва Табатадзе) 4 та жарима зарбасининг барчасини аниқ амалга оширган.

Ўз дарвозасидан тўп ўтказиб юбориш бўйича энг ёмон кўрсаткич эса "Сўғдиёна"га тегишли. Жиззахликлар қўриқчиси дарвозаси томон белгиланган 4 та энг яқин стандартнинг бирортасини қайтара олмаган.

Оқил Абдубарноев тайёрлади.

Coca Cola Суперлигаси. Энг кўп пенальтини қайси жамоа тепган ва қайси жамоа дарвозасига энг кўп 11 метрли жарима зарбаси белгиланган?