Мазкур учрашувда дубл қайд этган Даврон Исоқов учрашувдан сўнг қисқача ўз фикрларини билдириб ўтди.

- Чемпионатнинг иккинчи ўйинида ҳам ғалаба қозонишни мақсад қилгандик. “Истиқлол” ҳам яхши жамоа. Ўтган йили бу клуб ижобий натижалар қайд этганди. Шу боис бугунги учрашувга пухта тайёргарлик кўрилганди. Бошида бироз қийин бўлди. Аммо кейинчалик кетма-кет голлар уриб, ўйин тақдирини биринчи бўлимдаёқ ҳал қилдик.Табиийки иккинчи таймни бироз ҳотиржам тарзда ўтказдик. Муҳими сафарда уч очкони қўлга киритиб, мухлисларимиз олдида юзумизни ёруғ қилдик. Насиб қилса келгуси ўйинларда ҳам ғалабалари серияни давом эттириб, ишқибозларимизни хурсанд этишга харакат қиламиз.

- Урган голларимга келадиган бўлсак, аввало бунинг учун жамоадошларимга раҳмат айтган бўлардим. Улар бутун ўйин давомида мени қўллаб-қувватлаб турди. Ўйиндан олдин бир нима деб бўлмайди. Бу – футбол. Унда олдиндан бир нарса деб бўлмайди. Омадингиз келиб қолса, рақиб сизни тўхтатиши қийин бўлади. Ўйин аввалида мураббийлар ишлаб чиққан тактикага кўра, битта номинал ҳужумчи билан харакат қилдик. Ростини айтсам, менга у қадар қийин бўлмади. Сабаби ярим ҳимоячиларимиз ўз вақтида мени қўллаб-қувватлаб турди.

- Навбатдаги учрашувимиз Ўзбекистон Кубогининг 1/16 финал босқичидан ўрин олган “Навбаҳор”га қарши кечади. Ҳозирдан айтиш мумкинки, бўлажак дерби жуда қизиқ ва жангавор тарзда ўтади. Ушбу баҳсда ҳам ғалаба илинжида майдонга чиқамиз – дейди Даврон Исоқов.

Даврон Исоқов: “Биринчи бўлимдаёқ учрашув тақдирини ҳал қилгандик”