Нидерландиялик футболчи “Барселона”дан кетишдан олдин “Атлетико” ҳақидаги маълумотни Антуан Гризманндан олган.

“Мен кўчиб ўтишдан олдин Гризманн билан гаплашдим. У менга бу клуб ҳақида кўп яхши нарсаларни айтди. “Атлетико”га ўтганимдан сўнг, кутган ҳамма нарсага эга бўлдим. Мени илиқ кутиб олишди, бу жуда ёқимли. Ҳаммаси жуда қулай, ажойиб стадион. Мухлисларнинг қўллаб қувватлашини ҳис қилиш учун имкон қадар тезроқ ўйин ўтказишни хоҳлайман”, деди Мемфис Депай.

Эслатиб ўтамиз, Мемфис Депай кеча 20 январь куни “Барселона”дан Мадрид клубига трансфер қилингани эълон қилинди. Келишув 3 млн еврога тузилди. Шунингдек, Каталония клуби “матрасчилар” футболчиси Янник Феррейра Каррасконинг эҳтимолий трансферида чегирмага эга бўлади. Депай 2021 йилнинг ёзидан “кўк анорранглилар” футболчиси ҳисобланар эди.

Депай "Атлетико"га ўтишдан аввал Гризманн билан гаплашган