«Локомотив» (Тошкент) – «Бунёдкор» (Тошкент)
13 апрель 2015. Тошкент. "Локомотив" стадиони. 16:00
Ҳакамлар: Р.Эрматов, А.Расулов, Ж.Саидов, Д.Каримов.
Назоратчи: Б.Галеев.
Имкониятлар: 55/45%

Икки жамоа ҳам бир хил ҳолатда. ОЧЛда иштирок этишди, чемпионат ўйинларини ўтказишди ва мана бугун ўзаро тўқнаш келадилар.

Бу ўйинда бироз бўлсада устунлик "Локомотив" томонида. "Ал Садд"га бешта гол урган жамоа, "Бунёдкор"га ҳеч бўлмаса битта уришига ишониш мумкин. Бугунги ўйинда нигоҳлар икки футболчига қаратилади. Сардор Рашидов ва Марат Бикмаев. Марат сўнгги ўйинларни яхши ўтказаётган бўлса, Рашидов "Бунёдкор"нинг етакчиси. "Бунёдкор"дан фарқли равишда "Локо"нинг захира ўриндиғи узунроқ ва Вадим Абрамов истаган пайтида ўйинни кучайтириши мумкин бўлган футболчилардан фойдалана олади.

Ўйинни бузувчи биронта омил йўқ. Майдон идеал ҳолатда. "Бунёдкор"да Шодиев жиддий йўқотиш, Забиҳилло Ўринбоега "Локомотив" ҳимоячилари ўйин берадими ёки йўқ, буни яна бир неча соатдан сўнг билиб оламиз. Сизчи, сизнинг тахминингиз қандай?

Дербидаги имкониятлар қандай?