“Биринчи навбатда Гондурас терма жамоаси бош мураббийини кейинги босқичга чиққанлиги билан табриклайман. Бундай ўйинларда 75 дақиқа давомида битта ўйинчи кам бўлиб ўйнаш исталган жамоага ҳам оғирлик қилади. Бугунги ўйинда ҳакам ғалаба қозонди”.

“Шу кунгача бўлиб ўтган учта ўйинда атига 2та сариқ карточка олган эдик. Бугун эса 5та. Ҳакам 17 ёшли болаларни мусобақасида иштирок этяпти. Болалар билан бошқча гаплашиш керак. У ўз қарорлари билан мураббийлар штаби ва терма жамоа атрофидагиларни барчасининг меҳнатини чиппакка чиқарди”, - дейди Нуралиев.

- Бугунги ўйинда ҳакам туфали мағлуб бўлдик деб айта оласизми? (Араб ОАВ)
- Ҳамма айбни унга тўнкамаган бўлардим-ку, аммо унинг қарорлари бугун ўйин натижасига ўз таъсирини ўтказди.

- Терма жамоанинг бир киши кам бўлиб қолиши сизнинг режаларингизга қанчалик ўзгартириш киритди? (Хайрулла Холиқов)

- Ўйиннинг тактикасини бутунлай ўзгартириб юборди десак ҳам бўлади. Четлатишдан кейин умуман режамизда бўлмаган ўйинчини майдонга туширишга мажбур бўлдик. Биринчи ўзгартиришимиз ҳужумчига қаратилиши керак эди. Биринчи бўлимда дарвозамиз дахилсизлигини сақлаган ҳолда, иккинчи бўлимда ҳужумни кучайтирмоқчи эдик.

Нодирхўжа Юлдашев
Шаржа

Дилшод Нуралиев: "Бугунги ўйинда ҳакам ғалаба қозонди"