- Хорватия жиддий рақиб ва унга ечимингиз борми?

- Бизни ўз ўйин услубимиз мавжуд ва Хорватия терма жамоасига қарши мана шу йўлимизда борган ҳолда майдонга чиқамиз. Эртага қизиқарли ўйин бўлиши аниқ, чунки рақибимиз кучли жамоа.

- Асосий таркибингизда эртаганги ўйинни ўтказиб юбориш эхтимоли бўлган футболчилар борми?

- Бундай футболчи йўқ. Ҳамма соғ саломат. Эртага ўйинга тўлиқ тайёр бўлган 11 нафар футболчи майдонга тушади.

- Агар гуруҳдан чиқа олмасангиз, бу сизга жиддий таъсир ўтказадими?

- Йўқ. Чунки бизнинг асосий вазифамиз бу ерда эмас, МТЖ учун яхши футболчиларни етказиб бериш.

- Гуруҳда энг яхши учинчи ўринни эгаллаган жамоалар ҳам 1/8 финалга йўл олади. Бу терма жамоаларга хотиржамлик берадими?

- Жаҳон чемпионатидака мусобақаларда осон ўйинни ўзи бўлмайди. Бу ердаги ҳамма ўйинлар керакли ва хотиржамликка берилиш керак эмас.

“Хорватияга очко сув ва ҳаводек керак. Биз эса гуруҳдан яхши натижа билан кейинги босқичга чиқишга ҳаракат қиламиз. Шундан келиб чиқиб, эртанги ўйин қизиқарли бўлади” – дейди матубот анжуманида иштирок этган сардоримиз Отабек Шукуров.

- ЖЧ сизга нима беряпти, бу ердаги муҳит?

- Албатта жаҳон чемпионатида иштирок этиш биз учун ёқимли. Ҳаётимиз давомида катталар ўртасидаги жаҳон чемпионатида ҳам ўйнаш йўлида меҳнат қиламиз.

Мусобақани қониқарсиз бошлаган Хорватия терма жамоасини эртага фақат ғалаба қониқтиради. Мураббийнинг ўйин олди фикрлари қуйидагча кўриниш олди.

Дилшод Нуралиев: “Ўйинга ҳамма тайёр”