“Бугунги ўйинга яхши тайёргарлик кўрган эдик. “Насаф” биз учун принципиал рақиб ҳисобланади. Улар қанотларда ҳавфли ўйин кўрсатади. Футболчилар эса бунга имконият беришмади. Бунинг учун уларга раҳмат айтаман. Ўйинга тайёрлаган режамиз иш берди. Рақиб бизни қайсидир маънода ортга қайтишга мажбур қилди. Камчиликлар, хатолар бўлди. Лекин чизиқлар орасидаги ҳудудларни ёпиш ва рақибни қанотга ўтишга мажбур қилиш борасидаги кўрсатмаларимизни йигитлар яхши бажаришди.

Бугун дарвозабонимиз яхши ўйин намойиш қилди. Кичик хатолар бўлиб турди. Лекин, унга катта эътироз йўқ. У “Машъал” академиясидан чиққан. Билсангиз, телевизорда ва бошқа ОАВда Элдор Суюнов, Санжар Қувватовни “Насаф”дан чиққан дейишади. Аслида улар ҳам клубимиз тарбиялананувчилари ҳисобланади. Жамоамиз кўплаб посбонларни етиштириб берган. Ҳозирда “Локомотив”да тўп тепаётган Жавоҳир Илёсов ҳам бунга бир мисол.

“Насаф” академияси ҳам зўр. Бу клубда ишлар тўғри йўлга қўйилган. Шу боис “Пахтакор” ушбу жамоадан кўплаб футболчиларни олади.

Бир очкодан қониқиш хосил қилдимми? Келинг, очиқчасини айтай, натижа қайсидир маънода мени қаноатлантирди”,- дейди Дилявер Ваниев.

Дилявер Ваниев: "Суюнов ва Қувватов "Насаф" академиясидан чиқмаган"