"Ливерпуль" клуби ва Португалия терма жамоаси аъзоси Диогу Жота Қатарда ўтказиладиган Жаҳон чемпионатини ўтказиб юборади. Бу ҳақида "Ливерпуль" бош мураббийи Юрген Клопп маълум қилди. Мураббийнинг билдиришича, Жотани операция қилиш талаб қилинмайди. Аммо футболчи мундиални ўтказиб юборади.

"Бошланғич текширувдан олинган ташхисдан сўнг кўп нарса ойдинлашди. Биз учун жуда оғриқли хабар. Ўйинчиларнинг соғлигига эътибор беришимиз керак ва биз шундай қилмоқдамиз", -дейди Юрген Клопп.

Маълумот учун, АПЛ 11-туридан ўрин олган "Ман Сити"га қарши ўйинда Диогу Жота жароҳат олиб, майдонни замбилда тарк этганди.

Диогу Жота Жаҳон чемпионатини ўтказиб юборади. Клопп буни тасдиқлади