Ўйин ҳақида

- Бугунги учрашувга тўп назорати бўйича тайёргарлик кўргандик. Назоратга эришсак, бизга осон бўлишини билардик. Стандарт вазиятлардан хавотирда эдик. Битта гол қайсидир жамоага ғалаба тақдим этадиган ўйин бўлди. Шоҳрух Холматов вазиятидан фойдаланганида ютиб кетишимиз ҳам мумкин эди. Дуранг натижа адолатли бўлди.

- Тажрибали футболчи Абдуқаҳҳор Ҳожиакбаров майдонга туширилмаганига сабаб нима?

- Абдуқаҳҳор Ҳожиакбаровда эски жароҳат қайталаниб қолди. "Арал Самали" билан сунъий майдондаги ўйиндан сўнг унинг оёғида оғриқ пайдо бўлди. Шу сабаб унга бугун дам беришга қарор қилдик.

- Бугун қайси жамоа очкога эришди деб ҳисоблайсиз?

- Бизни вазиятимиздан келиб чиқсак, дуранг адолатли бўлди. Биз мағлубиятсиз серияни узоқ вақт давом эттирмоқчимиз.

- Жамоага янги футболчиларни жалб этиш режаси борми?

- Таркибимиздан келиб чиқсак, янги футболчиларни жалб этмоқчимиз. Ҳозир ҳар бир футболчимиздан кўнглим тўқ. Имкониятдан келиб чиқиб иқтидорли ёшларни жамоага таклиф этишимиз мумкин. Асосийси шу таркибимизни сақлаб қолишни мақсад қилганмиз.

Диёр Мирзабоев: "Дуранг адолатли натижа бўлди"