- Ўйин ҳақида фикрингиз?

- Томошабоп ўйин бўлди. Иккала жамоа ҳам ғалаба учун майдонга тушганди. Мухлисларимизга охиригача қўллаб туришгани учун раҳмат айтаман. Футболчиларга ҳам раҳмат, ҳамма борини бериб ўйнади. Ўз хатоларимиз туфайли оддий голларни ўтказиб юбордик. Қийналиб тўп киритамиз, кейин эса оддий гол ўтказамиз. Кўплаб вазиятлар яратдик, афсуски ғалаба қозона олмадик.

- Ўтказиб юборилган учинчи голда дарвзабон олдинга чиқиб кетди ва хатога йўл қўйди.

- Ўша вазиятда дарвозабонимиз олдинга чиқмаса ҳам бўларди, чунки ҳимоячи бор эди. Лекин ўзига ишонч билан чиқди, аммо кичик эпизодда хатога йўл қўйди. Одатда ҳимоячилар тўп учун кураш олиб бораётган пайтда дарвозабонлар чиқмайди, қолаверса дарвозагача ҳали масофа узоқ эди. Биз эса рақибга гол совға қилдик.

- Темур Мамасиддиқов билан Нуриддин Ҳасанов алмаштирилиш сабаби нимада?

- Темур тўп билан яхши, лекин ҳимояда озроқ бўш ўйнайди. Биз ҳисобда олдинда бораётгандик, шунинг учун уни ҳимояга яхши қўшиладиган футболчига алмаштирдик. Нуриддин Ҳасанов эса микро жароҳат сабаб ўйнай олмаслигини айтди, шу боис алмаштирдик.

- Кучли жамоаларга қарши "Шўртан"нинг ўйинини қандай изоҳлайсиз?

- Ўтган тур "Насаф" билан ҳам яхши бошлагандик. Гап натижада эмас, балки ўзимизга бўлган ишончда. "Насаф"дан учралган мағлубиятдан сўнг йигитлар билан кўпроқ руҳий томонлама ишладик. Бизда ҳаммага кураш таклиф эта оладиган жамоа бор, фақат футболчилар ўз кучларига ишонишлари керак. Ўз кучимизга ишонсак ҳамма билан тенгма-тенг ўйнай оламиз.

- "Шўртан" бугун ғалабадан қуруқ қолишининг сабаби юзага келган хатолар туфайлими?

- Энди кўп нарса ўзимиз йўл қўйган хатолар билан боғлиқ. Эътибор беринг, оддий голларни ўтказиб юборяпмиз. Гол уришга келганда жуда қийналяпмиз. Хурсанд қилаётган томони, биринчи даврадаги ўйинимизга нисбатан ҳозир кўпроқ хавфли вазият яратяпмиз. Фақат вазиятлардан фойдалана олсак бўлди.

- Сардор Саъдуллаев Жўрабек Маннонов ўрнини тўлдира олдими?

- Сардор яхши футболчи. У "Насаф" билан ҳам яхши ўйнаганди. Бугунги учрашувда фақат бир марта хатога йўл қўйди. У бирга бир вазиятларда тўпни рақибдан олиб қўйди. Ҳимоячи сифатида ўз ишини яхши бажарди.

Элдор Мойлиев: "Қийналиб тўп киритамиз, кейин эса оддий гол ўтказамиз"