– Қатарга қарши ўйин ҳақидаги фикрларингиз қандай?
– Кеча терма жамоага қўшилдик. Ҳамма терма жамоада. Остондан ташқари йўқотишлар йўқ. Ҳамма ўйинга тайёр. Уч очко учун ҳаракат қиламан.
– Қатарга қарши баҳсни йил ўйини десак бўлади...
– Биринчи навбатда Жаҳон чемпионатига чиқиш вазифаси. Имкониятларимиз яхши. Қатарни ютсак, бунданда яхши бўлади. Шу сабабли фақат уч очко учун ўйнаймиз. Бошқа томондан қаралса, Қатар ортимизда келяпти, иложи борича уларни яқинлаштирмасликка ҳаракат қилишимиз керак.
– Жамоа етакчиларидан бири сифатида мураббийсиз ўйнаш қанчалик қийин бўлдию, ҳозир мураббийнинг борлиги қанчалик қувонч олиб келди?
– Мураббий келиб, кўрсатмалар бераётгани биз учун жуда муҳим. Катанецнинг соғлиғи яхшилашганидан, келиб бизга кўрсатмалар бераётганидан хурсандмиз.
– Қатар учун бу ўйин охирги имкониятларидан бири деб айтишимиз мумкин. Қатарни ўйинларини таҳлил қилиб, уларнинг қайси жиҳатларини кучли деб ҳисобламоқдасизлар?
– Иккинчи бўлимда Қатар кўпроқ голлар ўтказган. Биринчи бўлимларда улар агрессивроқ ва яхшироқ ўйнашган. Шуни ҳисобга олган ҳолда диққатлироқ ўйнасак, иккинчи бўлимда бизда имкониятлар кўпаяди.
– Қатар билан ҳисоб-китобимиз бор. Ўйинга қанчалик ўзингизни тайёр ҳис қилмоқдасиз?
– 100% тайёрман. Йилнинг бошидаги ўйиндан фарқли равишда бу ўйинда қўшимча вақт бўлмайди. Шу сабабли ўйин масаласини 90 дақиқада ҳал қилиш керак. Дуранг ҳам бу ўйинда жуда ёмон натижа эмас. Ғалаба учун майдонга тушамиз, аммо гол ўтказиб юбормаслик ҳам жуда муҳим. Мухлислардан биз билан бирга бўлишларини, бизга ишонишларини сўраб қолардим. Чунки фақат биргаликда биз Жаҳон чемпионати йўлланмасини қўлга киритишимиз мумкин.
Изоҳлар