Унда Карлос Кейруш шогирдлари деярли иккинчи таркиб билан ҳаракат қилиб мағлуб бўлди. Ўйинда бош мураббий жами 17 нафар футболчини майдонга туширди ва уларнинг имкониятларини текширувдан ўтказиб олди. Учрашувда майдон эгаларининг киритган дастлабки иккита голи жуда чиройли чиқди, Эроннинг ягона голини эса иккинчи бўлим бошида майдонга тушган Муҳсин Мусулмон жарима тўпидан сўнг чиройли тарзда рақиб дарвозасига йўллади.

Энди терма жамоа йиғинига бир қатор легионерлар ва ОЧЛ 1/8 финалида иштирок этган “Истиқлол” клуби футболчилари ҳам қўшилишади.

Уммон – Эрон 3:1 (2-0)

Голлар: Абдул Азиз Ал Муқбали (20) 1-0, Абдул Салам Амур (29) 2-0, Жобир Ал Қуваси (61) 3-0 - Муҳсин Мусулмон (90+2)

Эрон: Раҳмон Аҳмади – Ҳуссайин Маҳини (Муҳаммад Хонзода, 74), Муҳаммад Нусрати, Шожа Холизода, Пежман Нури (Муҳсин Мусулмон, 46) – Омид Иброҳими, Муҳаммад Нури (Бахтиёр Раҳмани, 46), Қосим Хададифар (Муҳаммад Ғуломи, 57) – Ғуломризо Ризои (Ризо Ҳагиги, 63) , Меҳрдад Олади (Карим Ансарифард, 46), Эҳсон Ҳожсафи.

Эслатиб ўтамиз, Эрон терма жамоаси ЖЧ-2014 саралаши 4-босқичида 5та ўйиндан 7 очко тўплаб гуруҳда 3-ўринда бормоқда. Форслар сўнгги учта ўйинни Қатар, Ливан ва Жанубий Кореяга қарши ўтказишади.

Эрон ўртоқлик учрашувида Уммонга ютқазиб қўйди ВИДЕО