"Қизилқум" жамоасида узоқ йиллардан бери менежер, бош мураббийи, ушбу мавсумдан эса бош директор сифатида фаолият олиб борган Ҳамиджон Актамов клубни тарк этди.

Айни вақтда жамоа спорт директори лавозимида ишлаб келган Алишер Халиков клуб бош директори вазифасини бажарувчи этиб тайинланган.

2020 йилги мавсум бошида ҳам клубда худди шу каби тушунарсиз ўзгаришлар амалга оширилиб, "Сурхон"ни бошқараётган Ҳасан Рўзиев "Қизилқум" президенти лавозимига тайинланган, орадан ҳеч қанча ўтмай бошқарув яна Ҳамиджон Актамов қўлига ўтган эди. Воқеалар ривожини кузатамиз. Бу сафар нима бўлар экан.

Эслатиб ўтамиз, ҳозирда "Қизилқум" Суперлигада ортда қолган 4та турда 10 очко тўплаган ҳолда турнир жадвалида пешқадамлик қилмоқда.

Эшитдик-да. Ҳамиджон Актамов "Қизилқум"ни тарк этди