Гаров - бу ёмон. Агар рақибингиз Фабрегас бўлса, ишингиз икки баравар чатоқ. Испаниялик "Челси"да кўпинча машғулотлардан кейин қолиб, жамоа дарвозабонлари билан пенальтини машқ қиларди. Ҳар икки томон бор кучини ишга солиши учун у доимо катта бўлмаган маблағ тикарди ва доимо ютган.

Бир неча кун олдин Сеск омадсиз гаров ҳақида гапириб берди. Унинг сўзларига кўра, фаолиятидаги 29та пенальтидан 11тасини қайтарган Вилли Кабальеро Фабрегасни таслим қилган экан. Аммо ярим ҳимоячи зарбалардан олдин ўзига жуда ишонгани ва хавфни ҳис қилмагани ҳақида гапирди.

Шу сабабли испаниялик дарвозабонга кутилмаган гаровни таклиф қилди: Агар аргентиналик посбон зарбани қайтарса, Сеск унга Range Rover совға қилишини айтди. Бахтга қарши, Фабрегас бутун жамоа кўз ўнгида шарманда бўлди, кипер сейв ижро этди.

Испаниялик Кабаельерога машина қарз бўлиб қолди, аммо айёрлик ишлатди. Улар машинанинг ҳолати ҳақида келишишмаган эдилар.

"Мен металлолом базасидан 950 фунтга Range Rover сотиб олдим - уни ҳайдашнинг иложи йўқ эди" - деди Сеск.

Ушбу ҳикояни биринчи бўлиб айтиб берган Марчин Булканинг сўзларига кўра, машинанинг ойналари синган, фақат эшиклар бутун эди.

Аслида машинанинг ҳолати жуда қўрқинчли бўлмаган.

Сеск ҳикоясидан хулоса шуки, ҳеч қачон гаров ўйнаманг. Ҳеч қачон.

Фабрегас гаров ўйнаб, Кабальерога Range Rover ютқазиб қўйди, аммо вазиятдан чиқиб кета олди