Иқтидорли ярим ҳимоячининг жамоаси мағлубиятга учраганидан сўнг кайфияти яхши эмасди. Шунга қарамай Фарҳод ўзини поофессионалларга ҳос тутиб, ўйин тўғрисида фикрларини билдириб ўтди.

- Тўғриси омадимиз келмади. Кўрдингиз гол уриш учун бир нечта имкониятларга эга бўлдик. Аммо тўп дарвозага киришни истамади. Учрашувга жиддий тайёргарлик кўргандик. Камида бир очко олишни ўйлагандик. Бироқ бунинг акси бўлиб чиқди. Мағлубият учун раҳбариятдан узур сўраймиз. Улар бизни ҳар қандай холатда ажойиб тарзда қўллаб-қувватламоқда.

- «Металлург» яхши шаклланган жамоа эканлиги билиниб турди. Анчадан буён деярли бир хил таркиб билан ўйнаб келишмоқда. Шунинг учун ҳам бир-бирларини яхши тушунишади. Лекин уларни биздан кучли ўйнади деб бўлмайди. Бизга фақат омад келмади. Буни стадионга келган мухлислар ҳам кўрди. Фурсатдан фойдаланиб бизни Андижондан узоқ йўл босиб келиб, стадионда ажойиб тарзда қўллаб-қувватлаган мухлисларимизга раҳмат айтаман. Мағлубият учун улардан узур сўрайман.

- Таркибдаги йўқотишлар ўрни билинди. Айниқса жамоа сардори Иброҳим Отахоновнинг йўқлиги учрашув чоғида сезилиб турди.

- Энди кейинги тур «Олмалиқ»ни қабул қиламиз. Ҳар қандай холатда ҳам бўлажак баҳсда фақат ютишимиз керак. Акс холда бизни ҳеч ким кечирмайди - дейди Фарҳод Бекмуротов.

«Андижон» матбуот хизмати.

Фарҳод Бекмуротов: «Металлург» яхши шаклланган жамоа»