"Манчестер Юнайтед"нинг собий ҳимоячиси Рио Фердинанд "қизил иблислар" ярим ҳимоячиси Каземирони мақтаб, у жамоага "бебаҳо" ғалаба қозониш ҳиссини қўшганини таъкидлади.

Август ойида инглиз клуби "Барселона" ярим ҳимоячиси Френки де Йонгни муваффақиятсиз таъқиб қилганидан кейин бор эътиборини Каземирога қаратди ва тезлик билан "Реал"ни 70 млн фунтгача кўтарилиши мумкин бўлган таклифга кўндирди. Жорий мавсумда 2 та гол урган 30 ёшли бразилиялик футболчи келганидан буён "Олд Траффорд"да жуда яхши таассурот қолдирди. Кўплаб жамоа мухлислари уни сўнгги йиллардаги энг яхши трансфер, дея таърифламоқда. У "Юнайтед"нинг қисмларини бирлаштириб турувчи "елим"га айланди ва майдон ярим ҳимоя чизиғида Кристиан Эриксен ва Бруну Фернандеш билан ажойиб ҳамкорликни йўлга қўйди.

Ноябрь декабрь ойида Премьер-лигада ойнинг энг яхши футболчиси унвонини "Арсенал" сардори Мартин Эдегорга бой берган Каземиро Фердинанднинг фикрига кўра, "Реал"да ўз даврининг энг яхшилари билан ўйнади ва тўплаган тажрибаси ҳамда Мадрид клубидан ғолиблик кувватини янги жамоадошларига ҳам юқтира олди.

Рио Фердинанд манбага берган интервьюсида қуйидаги фикрларни билдирди:

"Ўйлашимча, "Манчестер Юнайтед"да кўплаб ғолиб бўла олмаган ўйинчилар бор. Эҳтимол, Давид Де Хеа ва Маркус Рэшфорд бундан мустасно. Улар лигада қандай ғалаба қилиш ва қандай қилиб катта совринларни қўлга киритишни билмайди.
Каземиро буни ҳали МЮда қилмади, лекин у ўзи эга бўлган тажрибани, шу жумладан, "Реал"да ўтказган барча омадли даврлардаги тажрибасини "Юнайтед"га олиб келиши жуда бебаҳо бўлади. Сиз йирик клублардан ғалабаларга эришган жамоадан ўйинчиларни олиб келишингиз мумкин, агар улар ўша ғалабаларнинг ажралмас таркибий қисмларидан бири бўлса, бу катта таъсир кўрсатиши аниқ. Мен буни Каземирода кўряпман.
Сиз у ўйнаган катта ўйинларга қайтсангиз, ушбу ўйинларнинг кўпида у ўйининг энг яхшиси бўлиш учун курашганини кўрасиз.
Ўтган Чемпионлар Лигаси финалида Тибо Куртуа ўйиннинг энг яхши футболчиси бўлди, лекин мен Каземирони энг яхши сифатида танлаган бўлар эдим. Муҳим паллаларда у йўқолиб қолмайди, бунинг ўрнига у янада фаоллашади".

Фердинанд Каземиронинг МЮга олиб келган "бебаҳо" хусусияти ҳақида айтди