"Manchester Yunayted"ning sobiy himoyachisi Rio Ferdinand "qizil iblislar" yarim himoyachisi Kazemironi maqtab, u jamoaga "bebaho" g'alaba qozonish hissini qo'shganini takidladi.

Avgust oyida ingliz klubi "Barselona" yarim himoyachisi Frenki de Yongni muvaffaqiyatsiz taqib qilganidan keyin bor etiborini Kazemiroga qaratdi va tezlik bilan "Real"ni 70 mln funtgacha ko'tarilishi mumkin bo'lgan taklifga ko'ndirdi. Joriy mavsumda 2 ta gol urgan 30 yoshli braziliyalik futbolchi kelganidan buyon "Old Trafford"da juda yaxshi taassurot qoldirdi. Ko'plab jamoa muxlislari uni so'nggi yillardagi eng yaxshi transfer, deya tariflamoqda. U "Yunayted"ning qismlarini birlashtirib turuvchi "elim"ga aylandi va maydon yarim himoya chizig'ida Kristian Eriksen va Brunu Fernandesh bilan ajoyib hamkorlikni yo'lga qo'ydi.

Noyabr dekabr oyida Premer-ligada oyning eng yaxshi futbolchisi unvonini "Arsenal" sardori Martin Edegorga boy bergan Kazemiro Ferdinandning fikriga ko'ra, "Real"da o'z davrining eng yaxshilari bilan o'ynadi va to'plagan tajribasi hamda Madrid klubidan g'oliblik kuvvatini yangi jamoadoshlariga ham yuqtira oldi.

Rio Ferdinand manbaga bergan intervyusida quyidagi fikrlarni bildirdi:

"O'ylashimcha, "Manchester Yunayted"da ko'plab g'olib bo'la olmagan o'yinchilar bor. Ehtimol, David De Xea va Markus Reshford bundan mustasno. Ular ligada qanday g'alaba qilish va qanday qilib katta sovrinlarni qo'lga kiritishni bilmaydi.
Kazemiro buni hali MYUda qilmadi, lekin u o'zi ega bo'lgan tajribani, shu jumladan, "Real"da o'tkazgan barcha omadli davrlardagi tajribasini "Yunayted"ga olib kelishi juda bebaho bo'ladi. Siz yirik klublardan g'alabalarga erishgan jamoadan o'yinchilarni olib kelishingiz mumkin, agar ular o'sha g'alabalarning ajralmas tarkibiy qismlaridan biri bo'lsa, bu katta tasir ko'rsatishi aniq. Men buni Kazemiroda ko'ryapman.
Siz u o'ynagan katta o'yinlarga qaytsangiz, ushbu o'yinlarning ko'pida u o'yining eng yaxshisi bo'lish uchun kurashganini ko'rasiz.
O'tgan Chempionlar Ligasi finalida Tibo Kurtua o'yinning eng yaxshi futbolchisi bo'ldi, lekin men Kazemironi eng yaxshi sifatida tanlagan bo'lar edim. Muhim pallalarda u yo'qolib qolmaydi, buning o'rniga u yanada faollashadi".

Ferdinand Kazemironing MYUga olib kelgan "bebaho" xususiyati haqida aytdi