Ноябрь. Терма жамоаларнинг ўйинлари сабабли клубларда танаффус. МЮ эса ўртоқлик ўйинларини ўтказиш учун Бермуд оролларига учиб кетди. Бу ўйинлар Шон Гоатернинг трансфери сабабли ташкиллаштирилганди. У манкунианликлар таркибида ўзини кўрсата олмаган бўлса-да, кейинчалик "Манчестер Сити"да юлдуз бўлди.

Икки ўйин ҳам крикет учун мўлжалланган майдонда ўтказилди. Дастлабки ўйиндан кейин жароҳатлар сабабли захира ўриндиғидаги футболчилар ҳам анчагина камайиб кетишди. Шу сабабли 40 ёшли бош мураббий ёрдамчиси Арчи Нокс ҳамда 45 ёшли бош мураббий Алекс Фергюсоннинг шахсан ўзи майдонга тушишига тўғри келди.

Нокс 25 дақиқа ичида кўп югурганидан тили осилиб қолди, бўлажак Сэрни эса трибунадагилар ва рақиблари захира ўриндиғидагилар ҳам анчагина қўллаб-қувватлаб туришди. Учрашув якуни арафасида у боши билан рақиблари дарвозаси томон йўллаган ажойиб зарбаси кўпчиликнинг ёдида қолиб кетган.

Ушбу ҳолат Фергининг футболчилик фаолиятини якунлаганига 10 йил ўтиб содир бўлганди.

Фергининг МЮ либосидаги ягона ўйини ҳақида биласизми?