Унга кўра куннинг энг муҳим ўйини Хорватия – Ўзбекистон, кузатиш шарт бўлган ўйинчи эса Аббос Махсталиев.

"F" гуруҳидаги дастлабки ўйинларида ғалаба қозонган Хорватияда ҳам, Ўзбекистонда ҳам бир бирига қарши бўладиган баҳсда нимчорак финалини расмийлаштириш имконияти мавжуд. Иккаласини ҳам бу учрашувда биринчи баҳсга нисбатан ўзгача синов кутиб турибди, ва бу ўйинда улар мусобақада қандай иштирок этишлари аниқлашади.

Хорватия жисмоний жиҳатдан ва ўйинни бузиш ҳислатлари бўйича ўзларига яқин бўлган Уругвай билан беллашди. Ўзбекистоннинг равон ва тўпни тўлиқ назорат қилиш услуби эса умуман ўзгача. Аллақачон 5 та сариқ карточка олишга улгурган хорватлар интизомли бўлишларига тўғри келади. Бу ўринда тезкор ва басавлат Игорь Сергеев оғир ва вазмин Нико Даткович ва Жозо Симуновичларга муаммо туғдириши мумкин.

Ўзбекистон эса ўз ўрнида Хорватиянинг яққол жисмоний устунлигига қарши бирор нарса ўйлаб топиши керак бўлади. Европа вакиллари Уругвайга қарши ўйинда тезкор қанот яримҳимоячилари ёрдамида майдон марказида 5 ярим ҳимоячи услубидан уч ҳужумчи тизимига тезкор ўтишди ва бундай тезкор ўзгаришларга Ўзбекистон дош беришга қийналиши мумкин.

Кузатиш шарт бўлган футболчи
Аббосбек Махсталиев (Ўзбекистон)
Кичкина плеймейкер Янги Зеландияга қарши дўндириб ўйнади. Уни тўхтатишни иложи бўлмади. Майдонни жуда яхши кўра олишини намоён қилди ҳамда атрофидаги жамоадошларига имконият яратишга ҳаракат қилди. Ўсмирлар ўртасида Мексикада 2011 йилда бўлиб ўтган Жаҳон чемпионатида ҳаммада яхши таассурот Аббос фақат жисмоний жиҳатдан кучли бўлган Уругвайга қарши унчалик ўзини кўрсата олмаганди. Уругвайга жисмоний жиҳатдан тенг бўлган Хорватияга қарши у яхшироқ харакат қила олармикан?

Қобилжон Бабаев таржимаси

FIFA.COM: Ўзбекистон - Хорватия эртанги куннинг марказий ўйини