Сайтимиз мухбири финалга кириш учун чипта олаётган бир қатор мухлисларнинг фикрлари билан қизиқди.

Абдумавлон Жумабоев (Олмалиқ шаҳри): Бугун мана Фарғонада катта футбол. Биз мухлислар Олмалиқ шаҳридан АГМК жамоасини қўллаб қувватлаш учун етиб келдик. Насиб этса бугун жамоамиз ғалаба қозониб ОЧЛ йўлланмасини қўлга киритади деган умиддамиз.

Зоҳиджон Зиёхонов (Тошкент шаҳри): Биз "Пахтакор" жамоасини қўллаб-қувватлаш учун Тошкентдан етиб келди. Бугун чиройли футбол кўрамиз деб ўйлайман. Нега деганда АГМК таркиби ҳам кучли, улар ҳам жиддий қаршилик кўрсатишса керак. "Пахтакор"га омад тилайман, лекин бугун ким кучли бўлса ўша жамоа ғалаба қозонсин.

Зафарбек Каримов (Олмалиқ шаҳри): Бугун биз учун унутилмас кун. Сабаби жамоамиз ОЧЛ йўлланмасини қўлга киритишга жуда яқин турибди. Битта ўйин-бугунги финални ютсак, биз ОЧЛга чиқамиз. Шу сабабдан жамоамизни қўллаб-қувватлаш учун етиб келдик.

Ахрорбек Турсунов: (Андижон вилояти): "Пахтакор" шонли тарихга эга бўлган жамоа. Бугун биз айнан уларга мухлислик қиламиз. Ўйлаймизки бугун "Пахтакор" Ўзбекистон кубогини боши узра баланд кўтаради.

Бекзод Толибов ёзиб олди

Финалдан олдинги мухлислар фикри