Янги мавсум олдидан «Ардус» футзал клуби 2014 йилги Ассоциация кубогида иштирок этади. Мухлисларга жамоанинг бу йилги таркиби қандай бўлиши қизиқ бўлиши табиий. «Ардус» бош мураббий Николай Одушев ҳали якуний таркибни аниқлаб олмаганини айтиб ўтди. Одушевнинг сўзларига кўра Асосциация кубогидаги таркиб якуний эмаслиги ва чемпионат бошини кутиш керак экан.

«Ўтган йилга нисбатан «Ардус»да катта ўзгаришлар содир бўлди. Биринчи навбатда жамоа таркиби ҳақида гап кетмоқда. Биз бир ёки бир неча йиллардан буён кузатиб келган футзалчиларни ўз сафимизга қўшиб олдик. Ҳозир Ассоциация кубогига тайёрланаяпмиз, аммо ушбу мусобақада «Ардус»нинг якуний таркиби ўйнайди дейиш нотўғри. Чемпионат бошланишини кутиш керак», - дейди Одушев.

Ассоциация кубоги 2014да «Ардус» «А» гуруҳида «Максам-Чирчиқ», «Нефтчи» ва «Old City» каби жамоалар билан кураш олиб боради.

«Ардус» сафига қўшилган футзалчилар:	«Ардус» томонидан ижарага берилган футзалчилар:
Алан Аминов (олдинги клуби – «Пахтакор»	Дилшод Рахматов («Гансу Масрей», Хитой)
Тимур Садиров (олдинги клуби – «Истиқлол»)	Константин Свиридов («Олмалиқ»)
Даврон Чориев (олдинги клуб – «Локомотив»)	Жамолиддин Шарипов («Олмалиқ»)
Дилшод Ирсалиев (ижарадан қайтди)	Фарход Абдумавлонов («Олмалиқ»)
Мурод Азаматов (ижарадан қайтди)
Андрей Шлема (ижарадан қайтди)
Артур Юнусов (ижарадан қайтди)
Жавоҳир Мирваҳидов
Сарвар Рахматжонов

Футзал. "Ардус" жамоасида катта ўзгаришлар содир бўлди