Ушбу мусобақада 16та жамоа иштирок этади ва якунда кучли бешликдан жой олган жамоалар 12 сентябрь - 4 октябрь кунлари Литвада бўлиб ўтадиган жаҳон чемпионатига йўлланма олишади.

ОФК Осиё чемпионатига саралашни тўрт минтақага бўлиб ўтказишни маъқул кўрган. Кеча Марказий ва Жанубий минтақада саралаш баҳслари старт олди. Ўзбекистон футзал терма жамоаси биринчи ўйинни Афғонистонга қарши ўтказиб, 6:2 ҳисобида зафар қучди. Шунингдек, кеча гуруҳдошимиз Тожикистон Непални, Эрон эса Туркманистонни мағлуб этди.

Маълумот учун, Марказий ва Жанубий минтақадаги саралаш ўйинларида 7та жамоа иштирок этяпти. Жамоалар орасида Туркманистон ҳам бор, бироқ бу жамоа конкурсдан ташқари қатнашмоқда.

Якунда ҳар икки гуруҳдан биринчи-иккинчи ўринни қўлга киритган жамоалар Осиё чемпионатига йўл олади. Агар Туркманистон терма жамоаси гуруҳда биринчи ё иккинчи ўринни эгалласа, унда энг яхши 3-ўрин эгаси ҳам Осиё чемпионатига боради. Саралаш ўйинларига Эрон мезбонлик қиляпти ва 23-25 октябрь оралиғида ўтказилади.

"A" гуруҳи - Ўзбекистон, Тожикистон, Непал, Афғонистон.

1-тур. 23 октябрь

Ўзбекистон - Афғонистон 6:2; Тожикистон - Непал 6:0

2-тур. 24 октябрь

Афғонистон - Тожикистон; Непал - Ўзбекистон

3-тур. 25 октябрь

Непал - Афғонистон; Ўзбекистон - Тожикистон

"B" гуруҳи - Эрон, Қирғизистон, Туркманистон.

1-тур. 23 октябрь

Туркманистон - Эрон 0:4

2-тур. 24 октябрь

Қирғизистон - Туркманистон

3-тур. 25 октябрь

Эрон - Қирғизистон

Футзал бўйича Осиё чемпионатига саралаш. Эрон ва Тожикистонда ғалаба