Ушбу мусобақада 16та жамоа иштирок этади ва якунда кучли бешликдан жой олган жамоалар 12 сентябрь - 4 октябрь кунлари Литвада бўлиб ўтадиган жаҳон чемпионатига йўлланма олади.

ОФК саралаш баҳсларини тўрт минтақага бўлиб ўтказишни маъқул кўрган: АСЕАН минтақаси, Марказий ва Жанубий минтақа, Шарқий минтақа ҳамда Ғарбий минтақа.

Шарқий минтақада жамоалар икки гуруҳга бўлинган. Ўйинларга Хитой мезбонлик қилмоқда ва 22-26 октябрь оралиғида бўлиб ўтади. Регламентга кўра, ҳар иккала гуруҳ ғолиблари тўғридан-тўғри Осиё чемпионатига йўл олади. Шунингдек, иккинчи ўринни эгаллаганлар ўзаро беллашиб, ким ғолиб чиқса шу жамоа ҳам мусобақада иштирок этиш ҳуқуқини қўлга киритади.

"A" гуруҳи - Хитой Тайпейи, Хитой, Мўғулистон, Гонконг.

1-тур. 22 октябрь

Хитой – Мўғулистон 3:0; Хитой Тайпейи – Гонконг 4:1

2-тур. 23 октябрь

Гонконг - Хитой 0:5; Мўғулистон - Хитой Тайпейи 4:4

3-тур. 24 октябрь

Мўғулистон - Гонконг 6:3; Хитой Тайпейи - Хитой 2:8

"B" гуруҳи - Япония, Жанубий Корея, Макау.

1-тур. 22 октябрь

Макау - Япония 2:17

2-тур. 23 октябрь

Жанубий Корея - Макау 6:1

3-тур. 24 октябрь

Япония - Жанубий Корея 4:2

Шундай қилиб Шарқий минтақада гуруҳ ўйинлари ўз якунига етди. Хитой ва Япония пешқадамликни қўлга киритган ҳолда Осиё чемпионатига йўл олди. Гуруҳда иккинчи ўринни эгалаган Мўғулистон билан Жанубий Корея ўртасида плей-офф учрашуви бўлиб ўтади ва ғолиб чиққан жамоа ҳам Осиё чемпионати иштирокчисига айланади.

Плей-офф. 26 октябрь. Мўғулистон - Жанубий Корея

Футзал бўйича Осиё чемпионатига саралаш. Шарқий минтақадан Хитой ва Япония вазифани уддалади