Янги мавсумнинг илк тур учрашувларига Фарғонадаги "Само" спорт мажмуаси мезбонлик қилмоқда.

Маълумки, футзал учрашувлари сўнгги вақтларда асосан Тошкент, Олмалиқ ва Жиззах шаҳарларида ўтказиб келинаётганди. ЎзПФЛ юртимизда футзални янада оммалаштириш ва футзал манзиллари географиясини кенгайтириш мақсадида Фарғона вилояти ҳокимлиги билан яқиндан иш олиб борган ҳолда "Само" спорт мажмуаси мамлакат чемпионати баҳсларини қабул қилишга тайёр ҳолга келтирилди.

Мазкур мажмуа 2019 йилда қуриб битказилган. Айни пайтда футзал учрашувлари бўлиб ўтаётган зал 2980 нафар мухлисни ўз бағрига сиғдира олади. Нафақат миллий чемпионат учрашувлари, балки халқаро футзал учрашувларига ҳам мезбонлик қилиш имкониятига эга "Само" аренасида VIP, CIP кабиналар, ОАВ учун махсус медиа ҳудуд, замонавий табло ҳамда жами 6 та кийиниш хонаси мавжуд.

Қуйида "Само" спорт мажмуасидан фоторепортажни томоша қилишингиз мумкин.

Футзал. Олий лига 1-турига мезбонлик қилаётган Фарғонадаги "Само" аренасидан фоторепортаж