Шу муносабат билан кеча бўлиб ўтган Про лига 1-туридан ўрин олган "Олимпик" – "Локомотив" учрашуви пайтида ЎФА ҳамда "Локомотив" ПФК раҳбарияти томонидан тақдирлаш маросими ташкил этилди.

Тадбирда ЎФА биринчи вице-президенти Равшан Эрматов ЎФА таъсис этган "Ўзбекистон футболи ривожига қўшган ҳиссаси" учун махсус кўкрак нишонини топширди. Шунингдек, "Локомотив" ПФК вице-президенти Тўлабек Акрамов нақшинкор рамка ичига солинган "Муқимов 60" ёзувли футболкани клуб совғаси сифатида тақдим этди. Тақдирлаш маросимида ЎФА президенти маслаҳатчиси Аваз Азизхўжаев билан ЎФА фахрийлар Кенгаши раиси Тўлаган Исоқов ҳам иштирок этди.

Маълумот ўрнида шуни айтишимиз мумкин, Равшан Муқимов бир неча йиллардан бери "Локомотив"даги фаолияти орқали ўзбек футболи ривожига ўз ҳиссасини қўшиб келмоқда. 2002 йил "Локомотив" ПФК ташкил этилганидан бери Равшан Қобилович клуб спорт директори лавозимида фаолият юритиб келяпти. Равшан Муқимов бир қанча шогирд етиштириб чиққани билан ҳам футболимиз кишилари орасида ҳурмат ва эҳтиром қозонган.

Фурсатдан фойдаланиб, Равшан Муқимовни қутлуғ 60 ёши билан муборакбод этамиз. У кишига узоқ умр, сиҳат-саломатлик ҳамда ўзбек футболи ривожи учун ҳисса қўшишда давом этишларини тилаймиз.

ЎФА ва "Локомотив" Равшан Муқимовни тақдирлади