Германия кубоги биринчи ярим финал ўйини кеча "Сигнал Идуна Парк"да "Боруссия Д" - "Вольфсбург" ўртасида кечди. Ушбу ўйинда Юрген Клопп жамоаси ишончли ғалаба қозонишиб, финалга йўл олишган эди. Бугун иккинчи финалчи номи аниқланади. Мюнхеннинг "Бавария" жамоаси "Кайзерслаутерн"га қарши саф тортади.

Сўнгги ўйинлардаги муваффақиятсизликларни ювиш учун ҳам "голливуд" жамоасига бу учрашув ёрдам бериши мумкин. "Бавария"нинг кетма-кет уч бора ғалаба қозона олмаётганлигини кўпчилик ҳар хил сабаблар билан боғламоқда. Пеп Гвардиола ва унинг жамоаси жуда кучли танқид остига олинган. Гвардиола ҳам ўз ўрнида ушбу танқидларга жавоб қайтариб ўтди. Футболчиларга иштиёқ етказиб бера олмаганини тан олди. Лекин Пеп жавобни матбуот анжуманларида эмас, футбол майдонидаги учрашувда танқидларга жавоб бериши лозим.

Бугун у ва унинг жамоасида бунинг учун ажойиб имконият мавжуд. Учрашув қиймати ҳам жуда юқори. Ғолиб жамоани финалгша йўлланма кутмоқда. Ва яна бир қизиқ томони шундаки, "Бавария" агарда бугун ғалаба қозониб финалга йўл олса, унда улар Дортмунднинг "Боруссия" клуби билан учрашишади. Мюнхендаги йирик мағлубият учун уч олишни энг қулай ва ажойиб имконияти ва ўртада Германия кубоги соврини. "Бавария" футболчилари буни яхши ҳис этиб туришибди. Шу ўринда уларнинг рақиблари "Кайзерслаутерн" ҳақида гапирадиган бўлсак, бу жамоа ўз тарихи билан мақтана оладиган Германияда ўз обрусига эга жамоа ҳисобланади.

"Кайзерслаутерн" ҳозирда 2-Бундеслига иштирок этмоқда ва тўртинчи ўринни эгаллаб турибди. Бу жамоа Бундеслигага чиқиш имкониятини сақлаб турибди. Бу мавсумда жамоа Германия кубоги мусобоқасида муваффақиятли иштирок этмоқда. Улар бугунги ўйинда ҳам "Бавария" катта қаршилик кўрсатишлари аниқ. Жамоа гранд клубларга қарши кучли иштиёқ билан тўп тепади. Бу ўйинда улардан ҳар нарсани кутиш мумкин. Албатта, тажриба ва ижрочилар борасида "Бавария" билан тенглаша олишмаслиги аниқ. Футболда ҳар доим ҳам номлар ғалаба ғозона олавермайди. Германия кубоги ярим финали бир ўйиндан иборат бўлади. Бу эса жамоаларнинг имкониятини тенглаштириши табиий. Германияда ҳар қандай жамоа исталган рақибни мағлуб эта олишини Бундеслигани мунтазам кузати борадиган футбол ишқибозлари яхши билишади.

Бу учрашув қизиқарли томошабоп ўтиши кутилмоқда. Пеп Гвардиола жамоаси учун бу ўйин аҳамияти ва унинг даражаси ҳам бир мунча кучли. Шуни ҳам айтиб ўтиш керакки, "Кайзерслаутерн"га қарши баҳс орқали жамоа ЕЧЛ ярим финали олдидан ўз яхшигина синовдан ўтиб олишлари мумкин. Бугунги ҳар иккала жамоа учун ҳам муҳим саналади. Германия кубоги финалида Юрген Клопп жамоасига қайси клуб рақиблик қилишини бугун тунда билиб оламиз! Бугунги ўйинда Мюнхен клубига Мануэль Нойер ёрдам бера олмайди. Нойерни ўрнини Рэдер эггалайди. Бу "Бавария" учун яхшигина йўқотиш ва "Кайзерслаутерн" учун зўр янгилик бўлиши табиий.

Шаҳбоз Беғамов

Ушбу ўйин Россиянинг "Спорт1" канали орқали соат 23:30дан бошлаб тўғридан-тўғри эфирга узатилади.

Германия кубоги. "Боруссия Д"га финалда ким рақиб бўлади?