"Локомотив" расмий сайти берган хабарга кўра жамоа 23 нафар футболчи билан Дубайга учган. Улар орасида "Локомотив" билан шартнома имзолаган тўрт нафар янги ўйинчи ҳам бор: Шуҳрат Муҳаммадиев, Диёр Туропов ҳамда кот-д'ивуарлик легионерлар Муҳаммад Коне билан Гнохере Кризо.
Рўйхатда ўтган мавсум "темирйўлчилар"нинг асосий таркибида ўйнаган уч нафар футболчи қайд этилмаган. Булар: Садриддин Абдуллаев, Неманья Яничич ва Артур Геворкян.
Ҳозирча ушбу футболчиларнинг жамоадан кетган ёки кетмагани номаълум бўлиб турибди.
